Ntơưv jâus cơưv, thơưx car Sở Nội vụ tưz fuô Quyết định số 1899 hnuz 31/7/2026 ntơưv Chủ tịch UBPX tỉnh txos nuv taz nhav, tsa nzir công chức thơưx car, xair tso đồng chí Hà Thị Ngọc Yến, Bí thư Đảng ủy, Chủ tịch HĐPX xã Bắc Yên, lol uô công xưv ntơưv Sở Khoa học thiaz Công nghệ, uô Giám đốc Sở Khoa học thiaz Công nghệ. Hnuz nhôngs uô 5 shông, xav cias hnuz 1/8/2026.

Muôzz quyết định thiaz muôx luk ntơưv jâus cơưv, đồng chí Nguyễn Đình Việt, Phó Bí thư Tỉnh ủy, Chủ tịch UBPX tỉnh phôngv côngz đồng chí Hà Thị Ngọc Yến tâu txiz uô hâux lưv yiaz. Cxiz cov đồng chí Hà Thị Ngọc Yến chuôs sai têx hâux lưv ntơưv ngành, huôv nzir cêr thôngx siaz chia côngv saz lax txos khoa học công nghệ, hlôngr yiaz xav tơưv thiaz hlôngr số; sir jos zôngv têx jông tsưr ziv uô kôngz, uô nênhx; paz tsêr luôv, hợp tác xã hlôngr yiaz chuôz zênhx, chuôz jos trâu cêr huôv tsar nhiax txiax - xã hội ntơưv tỉnh. Tsik so côngv đros têx cơ quan, đơn vị, tsêr luôv chia gruô hu nênhs trâu cêr huôv tsar khoa học, công nghệ thiaz hlôngr yiaz xav tơưv. Đros ntơư, cxiv tsa paz cán bộ, công chức, viên chức muôx pênhr xưv, muôx cêr cơưv uô nuv thiaz car xav, car trik phênhv shuôv viv cêr muôx liv trâu sơưr đơưk.