Jias no muôx têx đồng chí: Bùi Thị Minh Hoài, Ủy viên Bộ Chính trị, Bí thư Trung ương Đảng, Chủ tịch Uỷ ban Trung ương Mặt trận Tổ quốc Việt Nam; Nguyễn Duy Ngọc, Ủy viên Bộ Chính trị, Bí thư Trung ương Đảng, Thơưx ban Tổ chức Trung ương; đồng chí Trần Sỹ Thanh, Ủy viên Bộ Chính trị, Bí thư Trung ương Đảng, Chủ nhiệm Ủy ban Cxênhz yuôx Trung ương; Trịnh Văn Quyết, Ủy viên Bộ Chính trị, Bí thư Trung ương Đảng, Thơưx ban Tuyên giáo thiaz Dân vận Trung ương; Nguyễn Thanh Nghị, Ủy viên Bộ Chính trị, Bí thư Trung ương Đảng, Thơưx ban Chính sách, Chiến lược Trung ương; Phó Thủ tướng Chính phủ Phạm Thị Thanh Trà; Bộ trưởng Bộ Công an Lương Tam Quang.

Côngv jias cơưv, tỉnh Sơn La muôx đồng chí Hoàng Văn Nghiệm, Ủy viên Ban Chấp hành Trung ương Đảng, Bí thư Tỉnh ủy, Thơưx Paz đại biểu Quốc hội tỉnh; têx đồng chí Thường trực Tỉnh ủy, Ủy viên Ban Thường vụ Tỉnh ủy; Thường trực HĐPX, UBPX, Ủy ban MTTQ Việt Nam tỉnh; hlôngr njêx muôs têx sở, ban, ngành, paz pơưs, đros chôngz lênhx cán bộ, chiến sĩ thiaz pêx xênhv cxuô hair nênhs xã Vân Hồ.

Hâur luôs hâux lưv, têx đại biểu tưz siz chos yaz đuô cênhz cưv, txiax njis ntơưv Hnuz grâuv pax hur si pêx xênhv por hưv njias to Têz qơưk, têx zav lês tâu hâur côngz xưv lês cêr siz tưr por hưv njias to têz qơưk, huôv tsar nhiax txiax, xã hội ntơưv jok Lóng Luông thiaz xã Vân Hồ. Txix li thax tsav muôx ntâu cêr cuz nxor. Vân Hồ hnuz no tưz muôx ntâu zav hlôngr yiaz jông. Cêr nhaz xênhz ntơưv têx jêx jok tưz tsik zos kria mênhx hâux lưv moz siaz tir tar têx nênhs cxâuv xưz, mak tsênhv zos hâux lưv zov chênhr hâur ntu cxiv tsa hur si pêx xênhv thôngx siaz cias ntơưv thax tsav.

Cêr siz tưr hur si pêx xênhv por hưv cêr nox nhoz njias to Têz qơưk ntơưv Vân Hồ zênhv hnuz zênhv nto mông đêz đar, yênhx phênhv shuôv hâur hur si ndêx ntus chính trị thiaz cxuô lênhx pêx xênhv. Hâur 6 hli hâu shông 2026, Công an xã tưz taz nhav tâu 10 jax xor mông kria pâuz têx nênhs cxâuv chai, tu tiar 6 xor mông; cxênhz pov, cxov tâu 19 txuz đros trâu 24 lênhx nênhs cxâuv, hâur ntơư 17 txuz đros trâu 22 lênhx nênhs cxâuv lok sâuv uô luôv zax zênhz, pênhr 17 txuz đros trâu 22 lênhx nênhs cxâuv. Qơư sơưr ntơưv têx nênhs lâuk, hâu jok, nênhs tâu pêx xênhv njênhs tror tâu nthuôr huôv jông, zos têx nênhs zov chênhr siz khov txix li nov hâu thiaz pêx xênhv. Đhâu côngz xưv fuô kria, zaz zâuv, pêx xênhv zênhv hnuz zênhv lês nuv trơưk đraiv cêr chai, moz siaz phax tar têx nênhs cxâuv chai, cxơưz paz cxiv tsa hur si cxuô lênhx pêx xênhv por hưv njias to têz qơưk truôx khor cias ntơưv thax tsav. Xã tsưx truôx 2 kror qơư tưx saiz car lok sâuv por hưv njias to thax tsav lês tâu nuv jông ntơưv têx jok, tiểu khu; tưz nthuôr huôv tâu jông pêx xênhv đas jos hâur côngz xưv phax tar, cxênhz têx nênhs cxâuv thiaz tu têx hâux lưv muôx yưv cias ntơưv cơ sở; cxơưz paz txo tsơưs têx txuz hâux lưv cuz nxor, tsưx truôx njias to thax tsav thiaz cxiv tsa tâu cêr nhaz xênhz ntơưv cxuô jêx jok.

Muôx luk chox car Hnuz grâuv pax, Tổng Bí thư, Chủ tịch têz qơưk Tô Lâm tưz phôngv côngz, kruôk txos têx cêr sir jos ntơưv Đảng bộ, nov hâu thiaz pêx xênhv cxuô hair nênhs tỉnh Sơn La haik tas nro, xã Vân Hồ haik khênhx tưz moz siaz sir jos hla đhâu têx cêr phiv liv, lês tâu têx zav txâuk kruôk, cxơưz paz zov chênhr trâu têx hâux lưv hâur cxiv tsa cêr siz tưr hur si pêx xênhv por hưv cêr nox nhoz njias to Têz qơưk.

Đros ntơư, cxiz cov cấp uỷ, nov hâu, têx tổ chức chính trị - xã hội cxuô cấp tror moz siaz fuô lês ntov nti, tâu jông têx cêr chai cxiv tsa cêr siz tưr hur si pêx xênhv por hưv Têz qơưk, đros trâu têx cêr siz tưr nhiav têz, nhiav qơư, paz lês nto mông đêz đar hâur pêx xênhv luz nênhx cxuô hnuz. Tsưx truôx, kriz Hnuz grâuv pax hur si pêx xênhv por hưv cêr nox nhoz njias to Têz qơưk cov fiv huv, tâu jông; lês jông hâux lưv tưx saiz car, tưx por hưv cias ntơưv zis nênhs txos trâu têx jêx jok, hâur cơ quan, tsêr luôv, tsêr cơưv ntơưr. Moz siaz cxênhz pov thiaz zênhx max kruôk têx nênhs gruôs, lês tâu hâux lưv jông hâur côngz xưv cxiv tsa hur si pêx xênhv por hưv Têz qơưk, paz por hưv, cxiv tsa têz qơưk truôx njês hâur ntu nênhx huôv tsar yiaz.

Haik txos xã Vân Hồ zuôr tsuv moz siaz nthuôr huôv tâu jông têx zav tưz lês tâu, sir jos cxiv tsa xã cov yênhx xã trâu sơưr đơưk cơưv shâuv lok sâuv por hưv njias to thax tsav ntơưv tỉnh chia têx xã, phường txơưr cơưv shâuv tsưr ziv, chia pêx xênhv tâu nhoz nhaz xênhz, vav mênhx, njuôz hur, jông jav. Sir jos yênhx “xã tsik muôx nênhs uô luôv zênhz, cxâuv chai”.

Txix li têx hâux lưv hâur ntu nênhx yiaz, lực lượng Công an pêx xênhv haik tas nro, lực lượng Công an cxuô cấp ntơưv tỉnh Sơn La haik khênhx zuôr tsuv lês jông côngz xưv cxênhz yuôx thax tsav, saiz car nton nti têx nênhs cxâuv chai, tsik chia muôx yưv têx hâux lưv cuz nxor lok sâuv por hưv cêr nox nhoz njias to thax tsav. Moz siaz cxiv tsa lực lượng Công an cơ sở muôx chưx pưv chính trị jông, coz lok sâuv chuyên môn nghiệp vụ, lês hâux lưv muôx phênhv shuôv, jêx pêx xênhv, pâuz pêx xênhv siaz nyơư, muôx pênhr xưv saz lax trâu cấp ủy, nov hâu thax tsav chox car thiaz lês jông cêr siz tưr thiaz Hnuz grâuv pax hur si pêx xênhv por hưv njias to Têz qơưk.

Muôx luk taz nhav đồng chí Tổng Bí thư, Chủ tịch têz qơưl têx ndâux luk chox car, đồng chí Hoàng Văn Nghiệm, Bí thư Tỉnh ủy tưz uô tsâus txos đồng chí Tổng Bí thư, Chủ tịch têz qơưk tưz kruôk txos têx zav lês tâu jông hâur côngz xưv cxiv tsa cêr siz tưr hur si pêx xênhv por hưv njias to Têz qơưk ntơưv tỉnh Sơn La haik tas nro thiaz xã Vân Hồ haik khênhx tưz lês tâu hâur ntu đhâu.

Tỉnh Sơn La sâu tsês cxix cxuô đồng chí Tổng Bí thư, Chủ tịch têz qơưk Tô Lâm têx ndâux luk chox car. Ban Chấp hành Đảng bộ tỉnh zuôr fuô kria thiaz moz siaz chox car, lês mênhx pêv thiaz fuô lês jông têx hâux lưv cias tov kaz hnuz grâuv pax no. Đảng bộ, nov hâu thiaz pêx xênhv cxuô hair nênhs tỉnh Sơn La zuôr tror thôngx siaz, côngv đas jos, sir jos lês tiar Nghị quyết Đại hội Đảng hur si Têz qơưk jias tiv 14; Nghị quyết Đại hội Đảng bộ tỉnh Sơn La jias tiv 16, ntu 2025- 2030 thiaz têx hâux lưv, cêr tuôr xav shông 2026 thiaz têx shông txuôk nzir.

Taz sik, Sơn La zos iz luz tỉnh tox siaz tsênhv njiz ntâu cêr phiv liv, viv li, tỉnh Sơn La xar cov tâu kror moz siaz chox car, paz zôngx ziv ntơưv Ban Chấp hành Trung ương Đảng, Bộ Chính trị, Ban Bí thư, Quốc hội, Chính phủ, Ủy ban Trung ương Mặt trận Tổ quốc Việt Nam thiaz Ban, Bộ, ngành, đoàn thể Trung ương chia tỉnh tror nthuôr huôv tâu jông têx zav tưz lês tâu, đơưk zênhx max têx cêr phiv liv, chia paz trâu tỉnh Sơn La zênhv hnuz zênhv huôv tsar hâur ntu nênhx yiaz. 

Ndax jias no, đồng chí Tổng Bí thư, Chủ tịch têz qơưk Tô Lâm đros têx đồng chí thơưx car Đảng, Têz qơưk tưz puz huv trâu têx nênhs tâu pêx xênhv njês, hâu jok, thành viên têx nênhs côngv por hưv njias to thax tsav, têx zis nênhs tâu chai paz, njiz ntâu cêr phiv liv ntơưv jok Lóng Luông thiaz xã Vân Hồ; puz huv trâu xã Vân Hồ, têx Công an xã Vân Hồ. Bộ trưởng Bộ Công an muôz Ntơưr kruôk trâu pêx xênhv thiaz cán bộ xã Vân Hồ, tỉnh Sơn La lês tâu ntâu zav hâux lưv txâuk kruôk hâur cêr siz tưr hur si pêx xênhv por hưv cêr nox nhoz njias to Têz qơưk.