Jâus no muôx têx đồng chí: Thường trực Đảng ủy, HĐPX, UBPX, Ủy ban MTTQ Việt Nam xã Mường Hung; bí thư chi bộ, hâu jok cxuô luz jok hâur thax tsav xã.

Ntơưv jias cơưv, thơưx car xã Mường Hung tưz kria pâuz kror uô tâu hâur huôv tsar nhiax txiax- xã hội, tsưx truôx thax tsav nhoz njias to 6 hli hâu shông; fuô lês hâux lưv zov chênhr 6 hli kaz shông 2026. Tổ đại biểu HĐPX tỉnh tsênhv kria cử tri pâuz hâux lưv uô tâu hâur Jias cơưv chuyên đề tiv 2 ntơưv HĐPX tỉnh thiaz tsov xav cxênhx cxênhv, hnuz nhôngs thiaz kror qơư kriz Jias cơưv tiv oz ntơưv HĐPX tỉnh khoá 16, ntu 2026 - 2031.

Hâur ntu vax huôv siz luôs, ndax ndênhk, mênhx pêv, cử tri têx xã tưz khov cxuô cấp, cxuô ngành paz cxênhz yuôx chox car thôngz ndâux luk trâu hâux lưv thêv nhiax paz xuz thơưx, nhiax gruô hu thiaz iz cxia nhiax paz nzir txơưr trâu cán bộ, công chức, viên chức tuôx uô công xưv ntơưv thax tsav đriv têz, thax tsav lok six txov nhêv trơưk Nghị định số 178/2024/NĐ-CP lok sâuv cêr chai paz trâu cán bộ, công chức, viên chức, tiz nênhs uô nuv thiaz tsôngv vũ trang hâur cxiv kho têx qơư, tiz nênhs uô côngz xưv têz qơưk hâur cêr chai ndêx ntus chính trị. 

Cử tri khov têx cxênhx cxênhv lok sâuv paz cêr chai trâu Hâu jok tov kaz côngv muôz lok uô cê zos chai; puôk tâu thêv nhiax thâuv Thơưx ban Côngz xưv Mặt trận jok muk uô Chi hội trưởng Tuz kôngz; Xar cov tâu chaz điện txos qơư huôv tsar kôngz lông chia paz max hâux lưv zưs đêx trâu ntông nox txir; cxiv puôz tsêr txux chi trâu têx jok tov kaz côngv muôz lok uô cê, nhav nxias kriz têx hâux lưv trơưk tsưr ziv yiaz; nzor cxưx nhiax uô txox cêr muk lok hâur tỉnh 115, ntu muk ntơưv jok Phiêng Pẻn đhâu jok Hát 8, xã Mường Hung txos jok Ten Pạnh, xã Chiềng Khương, xav hur si ntêr 9 caik; uô ntơưr công nhav muôx vax huôv sir zôngv ar trâu têx ziv pêx xênhv jok Pá Nó, xã Mường Hung taz tov sir zôngv ar nhoz thax tsav Phiêng Cằm.

Fuô luk jâus no, đồng chí Cuôv Xênhv Tsaz tưz kruôk trâu xã Mường Hung têx hâux lưv uô tâu hâur zuôr luôs 1 shông fuô lês tsưr ziv nov hâu thax tsav 2 cấp. Đồng chí cux kria pâuz xor mông, haik nzir cử tri têx cxênhx cxênhv khov trơưk li vax huôv tâu zok. Đros ntơư, cxiz cov cấp ủy, nov hâu xã moz siaz chox car fuô lês siz luôs jok, muôx kaz hâu têx tsưr ziv tso tơưv. Hâur ntơư, moz siaz lês côngz xưv zaz zâuv, gruô hu, chox tâu pêx xênhv kror jông siaz côngv fuô lês têx hâux lưv, tsưr ziv trơưk faz cxơưz thax tsav xênhz txơưv, cêr muôx liv; gruô hu nhiax kriz cêr muk lok uô ntêx; moz siaz huôv tsar txux chi, choz kria ntơưr, kho moz, tsưx truôx thax tsav nhoz njias to...Uô ntêx, tsuv moz siaz uô jông hâux lưv cxiv tsa, tror cxiv kho đuô thiaz tik bê trâu cxuô jok hâur thax tsav xã.