Côngv jias cơưv muôx nov hâu Đảng ủy UBPX tỉnh, iz cxia sở, ban, ngành ntơưv tỉnh; nov hâu Tsêr kho moz, trung tâm njuôk kho moz hâur tỉnh; têx đồng chí hâur Ban Giám đốc, nov hâu têx viện, trung tâm, khoa, phòng ntơưv Tsêr kho moz Bạch Mai.

Đồng chí Hà Trung Chiến tưz kria têx hâux lưv zov chinhr thiaz têx hâux lưv lês tâu lol sâuv njuôk kho moz hâur ntu đhâu. Hâur ntơư, tỉnh tưz moz siaz fuô lês jông Nghị quyết số 72-NQ/TW ntơưv Bộ Chính trị “Lol sâuv iz cxia hâux lưv, uô jông côngz xưv por hưv, njuôk kho moz thiaz tu đas jos trâu pêx xênhv”; moz siaz tso nênhs mul cơưv nzir tsưr ziv uô hâux lưv; cxiv kho têx nênhs uô hâux lưv njuôk kho moz nhoz cơ sở, yax hlo zos phax tar moz tov kaz lês hâux lưv nov hâu 2 cấp; muôz nhiax uô vax tsêr njuôk kho moz, hâur ntơư Tsêr kho moz Đa khoa tỉnh yênhx Tsêr kho moz lox txâuk chai hâur thax tsav. Đồng chí xar cov, đhâu jâus cơưv saz lax thiaz chos lul, siz khov, Tsêr kho moz Bạch Mai, têx chuyên gia uô thơưx ngành lol sâuv njuôk kho moz zuôr kria, paz txos, kria tsưr ziv chia huôv tsar cxuô tsar zav, cxiv tsa iz luz tsêr njuôk kho moz thax tsav zênhv hnuz zênhv lês tâu jông hâux lưv njuôk kho moz, paz pêx xênhv tâu njuôk kho moz cias hâur thax tsav.

Muôx lul ntơưv jias cơưv, Phó Giáo sư, Tiến sĩ, Bác sĩ Đào Xuân Cơ, Giám đốc Tsêr kho moz Bạch Mai tưz haik txos côngz xưv siz khov cxuô zav lol sâuv njuôk kho moz zuôr kriz ntâu zav lol sâuv huôv tsar yiaz trâu njuôk kho moz Sơn La, tsik zos paz trâu hâux lưv njuôk kho moz mal tsênhv paz ntâu zav cêr tuôr xav ntêr, chia iz thênhv jux juk cxiv tsa têx faz tsưr ziv njuôk kho moz yiaz, fiv huv trâu thax tsav thiaz ntu nênhx huôv tsar ntơưv tỉnh. Yax hlo mal zos paz kria nzir tsưr ziv thiaz huôv tsar têx nênhs txơưx njuôk kho moz lês tâu hâux lưv jông; moz siaz kria nzir tsưr ziv yiaz, paz kria lol sâuv tsưr ziv njuôk kho moz, huôv tsar têx chuyên khoa zov chinhr. Hâux lưv siz khov chia tuôr xav txo tsơưs nênhs mul kho moz đêz tsik zov chinhr; txo tsơưs nhiax txiax, hnuz nhôngs thiaz nênhs moz tsik muôx nhiax. Đros ntơư, paz max trâu têx cán bộ njuôk kho moz hâur tỉnh tâu cơưv nzir tsưr ziv, côngz xưv njuôk kho moz thiaz pênhr xưv saiz car lês hâux lưv zênhv hnuz zênhv lês tâu jông. 

Ntơưv jias cơưv tỉnh tưz kria têx đuôz lol sâuv lês hâux lưv ngành Njuôk kho moz tỉnh thiaz njuôk xav huôv tsar ntu 2026-2031. Tsêr kho moz Bạch Mai cux kria cxuô zav lol sâuv tsưr ziv njuôk kho moz jông, têx chuôz zênhx njuôk kho moz yiaz, hlôngr pâur số njuôk, kho moz taz tov tâu fuô lês ntơưv Tsêr kho moz Bạch Mai.

Cxuô đại biểu tưz saz lax, siz nus têx njiaz lul lol sâuv nênhs uô hâux lưv, chuôz zênhx njuôk kho moz, têx tsưr ziv jông chuyên ngành li ung bướu, chơưv moz, đột quỵ, moz lênhs, plơưr, điện quang, moz plaz…

Jias cơưv cux fuô Quyết định số 2511/QĐ-BM ntơưv Giám đốc Tsêr kho moz Bạch Mai lol sâuv Tsa Ban Chox car, paz côngz xưv fuô lês hâux lưv siz hlông trơưk li tsưr ziv 4.0 ntơưv Tsêr kho moz Bạch Mai ntơưv tỉnh Sơn La, nhoz 8 chuyên ngành: Chơưv nênhs moz hnhar, Đột quỵ, moz lênhs, plơưr, Điện quang, Y học nhiệt đới, Mê nhuôv zâuk, Moz tơưr graix thiaz cuz hnhiaz, Y học hạt nhân thiaz Ung bướu. 

Nov hâu UBPX tỉnh thiaz nov hâu Tsêr kho moz Bạch Mai tưz chos lul saz lax siz chos côngv lês lol sâuv njuôk kho moz ntu 2026 - 2031. Njiaz lul siz khov mal muôx têx zav li: Paz kria nzir tsưr ziv chuyên môn, kria nzir tsưr ziv yiaz thiaz côngz xưv trâu cán bộ njuôk kho moz tỉnh; paz chuôz zênhx, tiz nênhs thiaz huôv tsar faz saiz choz kria; siz hlôngr tso cán bộ njuôk kho moz. Paz lol sâuv njuôk kho, sênhr moz, kria njuôk moz đêz đhâu chuôz zênhx jông; kria tsa thiaz fuô lês têx hâux lưv njuôk kho moz jông. Siz chos côngv njuôk xav khoa học, lês hâux lưv siaz đơưz...

Uô ntêx, Paz côngz xưv ntơưv Tsêr kho moz Bạch Mai tưz mul cxênhz yuôx ntơưv têx khoa lâm sàng, cận lâm sàng thiaz têx phòng chức năng ntơưv Tsêr kho moz Đa khoa tỉnh; puz 15 poz huv trâu têx nênhs moz taz tov kho ntơưv Tsêr kho moz.