Đros muk muôx têx đồng chí Ủy viên Ban Thường vụ Tỉnh ủy; Thường trực UBPX tỉnh; thơưx car cxuô sở, ngành ntơưv tỉnh thiaz têx đơn vị cik txos.

Ntơưv jias uô hâux lưv, Thường trực Đảng ủy têx xã tưz kria pâuz hâux lưv huôv tsar nhiax txiax- xã hội, tsưx truôx cêr njias to, côngz xưv cxiv tsa Đảng shông 2025 thiaz 3 hli hâu shông 2026, hâux lưv zov chênhr 9 hli kaz shông 2026; côngz xưv fuô lês Nghị quyết Đại hội Đảng bộ cxuô cấp; têx côngz xưv tov kaz xair đại biểu Quốc hội khóa 16 thiaz đại biểu HĐPX cxuô cấp ntu 2026-2031.

Tov kaz uô trơưk tsưr ziv nov hâu thax tsav 2 cấp, cấp ủy, nov hâu têx xã nhiv kruôr tsa tâu kror qơư, tiz nênhs uô côngz xưv têz qơưk tưz cê fuô lês têx hâux lưv huôv tsar nhiax txiax- xã hội, cê cxiv tsa Đảng, cêr chai ndêx ntus chính trị. Cxuô xã tưz cxơưz xênhz txơưv, cêr muôx liv chia huôv tsar kôngz lông xav hur si đar yax 3.100 ha, chos tâu yax 2.200 ha ntông nox txir, yax 1.180 ha yuôx zêx; tu zus yax 150.000 tus tsiax cxu, đros yênhx châuv ha tsiax đêx. Moz siaz cxiv puôz vax tsêr, cêr muk lok, gruô hu dự án cxiv kho, uô yiaz đrôngs lox, uô lax luôv, huôv tsar nuôv zax har jôngr, so txuôs jos, qơư uô si jông jav, zos qơư chuôz zov chênhr paz thax tsav tsik tsês huôv tsar. Đros ntơư, txox cêr lox số 6 thiaz txox cêr yêz muk chênhr Hòa Bình - Mộc Châu taz tov tâu lês chia txuôk ntâu kror qơư, huôv tsar cêr lax luôv thiaz gruô hu tsêr luôv tuôx cxưx nhiax uô nox hâur thax tsav.

Côngz xưv cxiv tsa Đảng, cêr chai ndêx ntus chính trị thiaz đros oz chas têz siz khov uô cxuô zav hâux lưv tâu moz siaz fuô lês tsik tsês; tsưx truôx cêr njias to. Cxuô xã cux fuô lês jông hâux lưv txo tsơưs ntâuz ntơưr, hlôngr pâur số; moz siaz kria cxaz nzir cán bộ, công chức, hlôngr yiaz nov hâu thax tsav 2 cấp hâux lưv.

Hâux lưv fuô lês tsưr ziv nov hâu thax tsav hâur têx xã tâu tsưx truôx, thôngz plơưk, paz pêx xênhv thiaz tsêr luôv uô tiar ntâuz ntơưr tâu sai. Côngz xưv kriz jias xair đại biểu Quốc hội khóa 16 thiaz đại biểu HĐPX cxuô cấp, ntu 2026 - 2031, hâur thax tsav têx xã tâu kriz yênhx côngz, nhaz xênhz, vax huôv siz luôs, zos chai. Tov kaz xair tiz nênhs, cxuô xã tưz kriz jias cơưv tiv iz ntơưv HĐPX; zênhx max cxiv tsa kror qơư, tiz nênhs uô côngz xưv yiaz zos chai.

Ntơưv jias uô hâux lưv, nênhs hlôngr njêx muôs têx xã cux tưz kria pâuz iz cxia txov nhêv, khuôv đais hâur ntu fuô lês hâux lưv. Đros ntơư, thor tỉnh moz siaz paz nhiax pênhr uô ntêx trâu hâux lưv cxiv kho đrôngs lox, huôv tsar nhiax txiax- xã hội; cxưx nhiax uô têx txox cêr muk lok hâur cxuô thax tsav, kror qơư huôv tsar nuôv zax; kria pâuz, đơưk hâux cxơưz cêr lax luôv, gruô hu cxưx nhiax uô, yaik qơư nhoz yiaz cêr chor nhov chia nzor fuô lês tiar têx dự án; tso têx cán bộ, công chức muk cơưv nzir tsưr ziv uô côngz xưv yiaz...

Câuk luk jias cơưv, đồng chí Bí thư Tỉnh ủy tưz kruôk trâu cấp ủy, nov hâu têx xã Vân Hồ, Tô Múa, Xuân Nha, Song Khủa kror sir jos hâur chox car fuô lês têx hâux lưv. Đros ntơư, cxiz cov cấp ủy, nov hâu cxuô xã tror chox car uô trơưk muôx kaz hâu Nghị quyết Đại hội Đảng cxuô cấp ntu 2025 - 2030; tsik tsês lês jông côngz xưv cxiv tsa, cxênhz yuôx Đảng thiaz cêr chai ndêx ntus chính trị đơưz hur, truôx njês. Tsik tsês huôv tsar kôngz lông sir zôngv chuôz zênhx jông, kôngz lông hữu cơ sir jos cxiv tsa thax tsav chos ntông nox txir, kok, jâuz txir hur đros trâu tu jông thiaz muôs trâu oz chas têz; moz siaz huôv tsar thax tsav chos kôngz txir nox chia muôs trâu têx tsêr máy tu jông hâur thax tsav tỉnh. Tsik so huôv tsar nuôv zax, uô lax luôv; gruô hu tsêr luôv tuôx tso pênhr uô nox hâur thax tsav; tưx tsov xav tsưr ziv đros têx tsưr muôz nhiax uô siz chos njuôk tsov, fuô lês muôx kaz hâu têx dự án cxưx nhiax uô hâur thax tsav. Tsik tsês sir zôngv công nghệ thông tin, hlôngr pâur số trâu têx cơ quan đảng, nov hâu xã hâux lưv đros trâu fuô lês tsưr ziv "nov hâu số paz zênhx max trâu pêx xênhv uô tiar ntâuz ntơưr tâu sai" fuô lês tsưr ziv nov hâu thax tsav 2 cấp muôx kaz hâu, thôngz plơưk, cxơưz pêx xênhv thiaz tsêr luôv uô tiar ntâuz ntơưr tâu sai. Moz siaz cxưx nhiax uô têz qơưk hâux lưv shông 2026, fuô lês siz luôs jok, ntov nti têx hâux lưv, tsưr ziv sir jos kênh cov tâu 100% tsưr ziv pênhr tâu zok shông 2026. Uô tiar têx hâux lưv zos li vax huôv hâur fuô lês dự án cxưx nhiax cxiv puôz txox cêr yêz muk chênhr Hòa Bình - Mộc Châu.