Taz thiaz đros paz côngz xưv uô hâux lưv, tỉnh Sơn La muôx đồng chí Đặng Ngọc Hậu, Phó Chủ tịch UBPX tỉnh, Thơưx Ban Chox car côngz xưv đriv têz tỉnh; thơưx car iz cxia sở ngành, thax tsav cik txos.

Trôngx lôngs Chiềng Khương zos Trôngx lôngs txuôk cêr lox 4G, muôx vax huôv zov chênhr hâur cêr lax luôv ntơưv tỉnh Sơn La thiaz têx tỉnh Kâuv têz Lok Tsuôk, tâu tsa hli 12/1999; shông 2001, Thủ tướng Chính phủ tso tơưv Quyết định số 188/2001/QĐ-TTg lok sâuv zênhv trâu Trôngx lôngs Chiềng Khương tâu fuô lês cêr chai thax tsav nhiax txiax trôngx lôngs đriv têz; shông 2002, tâu UBPX tỉnh Sơn La tso chai lês dự án cxưx nhiax cxiv puôz; txos shông 2005 tâu hlôngr hu đuô luz bê Trôngx lôngs zov chênhr Chiềng Khương. Ntu đhâu, hâux lưv cxênhz yuôx hax huv muk đhâu trôngx lôngs tưz muôx ntâu hlôngr yiaz; zênhv hnuz zênhv tsar ntâu yêz thâux hax huv muk lok; shông 2025, xav hur si huv muôs trâu oz chas têz sâu tâu zuôr luôs 9 triệu nhiax đô la.

Ntơưv jias uô hâux lưv, têx đại biểu tưz piar pâuz tsưr ziv, hâux lưv cxiv kho, uô yiaz trôngx lôngs zov chênhr Chiềng Khương chia paz tâu zênhx max kror huôv tsar hâur ntu nênhx yiaz nhiv no fiv huv hâux lưv muôs huv trâu oz chas têz zênhv hnuz zênhv tsar ntâu thiaz tsưx truôx thax tsav nhoz njias to.

Fuô luk jias no, đồng chí Nguyễn Minh Vũ haik mênhx: Jias cxênhz yuôx chia paz tỉnh cxiv tsa tâu têx cêr chai gruô hu tsêr luôv tuôx cxưx nhiax huôv tsar nhiax txiax- xã hội thax tsav đriv têz, paz zôngx ziv huôv tsar kôngz lông, uô lax luôv thiaz thâux hax huv thôngz plơưk, yênhx kror qơư txuôk jông têx thax tsav, zos qơư chuôz muôx jos lox hâur huôv tsar nhiax txiax. Đhâu no, paz cxiv tsa, bôngs nzir thiaz huôv tsar cêr thôngx siaz, siz trâus jông Việt Nam - Lok Tsuôk zênhv hnuz zênhv tsik tsês huôv tsar.