Hâur shông 2025, đros trâu fuô lês hâux lưv cxiv kho, txo tsơưs têx qơư, tiz nênhs uô côngz xưv, ngành Y tế tsênhv moz siaz uô tiar phênhv shuôv tâu zok. Hâur shông đhâu, hur si tỉnh tưz bax tâu 9 cưk kho moz/10.000 tus pêx xênhv; 33,6 luz txax pư kho moz/10.000 tus pêx xênhv; 96,2% tus pêx xênhv muôx thẻ BHYT. Lês trơưk ntov nti côngz xưv tir tar caz moz cik, côngz xưv cxax yuôx tir tar cxuô zav moz; 88,9% tus mê nhuôv muôx zuôr luôs 1 shông tâu cxax txưv yuôx tir tar cxuô zav moz cxix cxuô. Têx tsêr kho moz tưz njuôk, kho moz trâu yax 1,5 triệu lênhx, đạt 112% tsưr ziv tso tơưv.

Đồng chí Phó Chủ tịch Thường trực UBPX tỉnh tưz kruôk thiaz xa luk uô tsâus txos hur si cán bộ, công chức, viên chức, tiz nênhs uô nuv hâur đơn vị puôr lênhx côngv ntâu đas jos, tsưr ziv lês tiar têx hâux lưv tâu zok hâur ntu đhâu. Đros ntơư, cxiz cov đơn vị tror fuô lês jông côngz xưv saz lax trâu UBPX tỉnh hâur saiz car Têz qơưk lok sâuv njuôk, kho moz; têx tsưr ziv por hưv jông pêx xênhv đas jos hâur ntu nênhx yiaz nhiv no. Moz siaz cxiv tsa têx đơn vị hâur ngành đơưz hur truôx njês lok sâuv tổ chức, hlôngr yiaz tiz nênhs uô hâux lưv; sir jos lês tiar jông hâux lưv njuôk, kho moz thiaz paz chơưv tiz nênhs, cxơưz cxiv tsa tỉnh Sơn La tsik tsês huôv tsar.