Ntơưv Yar cơưv phổ thông nội trú Tiểu học thiaz THCS Phiêng Pằn, têx nênhs uô nuv tưz trâu siaz njo lês hâux lưv. Yar cơưv tâu piz cxiv puôz txix hnuz 22/10/2025, hur si nhiax lês hâux lưv tas yax 240 tỷ đaiv, muôx 30 lớp cơưv, đros trâu qơư nhoz, têx qar cơưv bộ môn, tsêr uô si, qơư nhênhv ntơưr, yar tiax uô si thiaz têx hâux lưv txơưr, txâuk trâu yax 1.000 lênhx shuv xênhz nox, nhoz, cơưv ntơưr.

Cxiv puôz ntơưv thax tsav đriv têz, yar cơưv njiz ntâu cêr phiv liv viv tus gri thâux hax huv siaz, ntux lok nas ntâu, ntêr hnuz. Chia cov lês tâu trơưk đraiv cêr tuôr xav, têx nênhs lês hâux lưv tưz moz siaz lês nuv, nzaz nzơưv tâu jông ntux chia fuô lês têx hâux lưv. Kênh tsơưs têx cêr phiv liv đros têx nênhs uô nuv, Bộ CHQS tỉnh tưz gruô hu 80 cán bộ, chiến sĩ thiaz 100 dân quân hâur ntâu thax tsav paz cxiv puôz yar cơưv. Nhiv no, yar cơưv tưz cxiv puôz zuôr tiar, têx lực lượng tror siz khov đros têx nênhs uô hâux lưv chia lês cov tiar têx hâux lưv đuô li, sir jos muôz lok sir zôngv uô ntêx hnuz kriz shông cơưv yiaz.

10 hnuz côngv lês hâux lưv cxiv puôz yar cơưv, tix lâus Tòng Văn Hương, dân quân phường Tô Hiệu, thav pâuz: Côngv cxiv puôz yar cơưv trâu têx mê nhuôv cơưv ntơưr, cur lok six jông siaz. Txơưv lês hâux lưv lok six txov nhêv, taz sik pêz sơưr đơưk puôr lênhx thôngx siaz, siz paz. Pov tâu yar cơưv tiar jux juk, pêz muôx nzir đas jos, sir jos paz chia cov nzor uô tâu yar cơưv.

Cêr côngv têk ntơưv têx cán bộ, chiến sĩ thiaz dân quân tưz cxaz nzir nênhs lês hâux lưv hâur ntu muôx ntâu zav hâux lưv, sir jos cxiv puôz yar cơưv cov tâu sai. Zơưs Đỗ Văn Thắng, Công ty Phúc Thắng, Phú Thọ, đơn vị côngv lês hâux lưv, thav pâuz: Txix tâu têx tuz lênhv thiaz dân quân paz, pêz têz lês tâu ntâu zav hâux lưv, yax hloz zos hâur ntu zuôr tsuv cxiv puôz yar cơưv cov tâu sai. Sơưr đơưk lês hâux lưv puôr lênhx muôx phênhv shuôv, ntov nti, paz zôngx ziv chia lês têx hâux lưv trơưk đraiv cêr tuôr xav.

Bộ CHQS tỉnh Sơn La uô tsưr cxưx nhiax chia cxiv puôz 3 yar cơưv, li: Yar cơưv phổ thông nội trú Tiểu học thiaz THCS Phiêng Pằn, Mường Lèo thiaz Chiềng Khương. Hâur ntu cxiv puôz, lực lượng quân sự thiaz dân quân têx thax tsav tâu gruô hu siz chos đros tsưr cxưx nhiax lês hâux lưv fiv huv, cxơưz paz lês sai hâux lưv. Đại tá Trần Minh Hùng, Phó Chỉ huy trưởng Bộ CHQS tỉnh, thav pâuz: Chia cov muôx txâuk nênhs lês hâux lưv, Bộ CHQS tỉnh tưz khov trâu Bộ Tư lệnh Quân khu 2 cxaz nzir lực lượng quân sự muk trâu têx yar cơưv zos Bộ CHQS uô tsưr cxưx nhiax chia lês hâux lưv. Phaiz sơưr đơưk uô têx hâux lưv fiv huv. Đros ntơư, đơn vị cux moz siaz fuô kria, choz kria têx cán bộ, tuz lênhv chia cov sơưr đơưk pâuz mênhx txiax njis, nthuôr huôv jông phênhv shuôv, lês ntov têx cêr chai, por hưv cêr nhaz xênhz, paz lês tâu sai hâux lưv cxiv puôz yar cơưv.

Đros trâu têx nênhs lês hâux lưv, hâur têx yar cơưv nội trú liên cấp thax tsav đriv têz, cán bộ, cưk kria thiaz shuv xênhz têx niav txir cux tưz moz siaz bax cxix cxuô zav chia kriz shông cơưv yiaz. Têx hâux lưv tưs lês tiar, yar cơưv tưz kriz suô khâuz nhaz, cxiv kho têx chuôz zênhx, tsi njênhk chia cov muôx qơư hur si tok têx shuv xênhz tuôx cơưv ntơưr. Cưr kria Phùng Thị Liên, Hiệu trưởng Yar cơưv phổ thông nội trú Tiểu học thiaz THCS Chiềng Khương, thav pâuz: Têx hâux lưv lês tiar txos tưs, yar cơưv cux đros tuz lênhv, dân quân, shuv xênhz têx niav txir, cưk kria suô khâuz nhaz, cxiv kho đuô têx chuôz zênhx txos cias kror ntơư. Iz lênhs iz zav hâux lưv, cê paz max chia bax kriz shông cơưv yiaz, cê paz muôx qơư hur si, jông jav.

Txix li kror moz siaz sir jos lês hâux lưv ntơưv têx tuz lênhv, yar cơưv thiaz shuv xênhz têx niav txir, têx yar cơưv nội trú liên cấp hâur thax tsav tỉnh taz tov tâu lês sai, bax cxix cxuô zav chia tok têx shuv xênhz tuôx cơưv ntơưr hâur shông cơưv 2026 - 2027, paz muôx qơư cơưv shâuv tâu jông đuô trâu têx shuv xênhz thax tsav đriv têz.