Paz côngz xưv tưz muk shuôk tsêr ntâuz nthuôr txux chi têx xã, phường, thax tsav kriz ciaz nthuôr muôs hax huv jông thiaz kror qơư kriz jias tưr ndơưk bóng txir nênhx; cxênhz côngz xưv bax, pâuz mênhx yênhx đơn vị hâux lưv.

Tuần Txux chi - Nuôv zax Mộc Châu shông 2026 tâu kriz trơưk li tsưr ziv cấp tỉnh đros trâu muôx ntâu hâux lưv lov jêv, đrông ntưk, gruô hu têx xã, phường, đơn vị, tsêr luôv nhoz Thax tsav nuôv zax têz qơưk Mộc Châu thiaz têx thax tsav txơưr hâur tỉnh côngv fuô lês. Cxuô xã, phường, đơn vị tưz nthuôr ntâu txux chi cênhz cưv, hax huv kôngz, txir nox jông txơưr hlo, hax huv nuôv zax- txux chi jông yax hlo, jâuz mor kaz hair nênhs tsơưs; kria pâuz thax tsav xênhz txơưv huôv tsar nuôv zax. Txos nhiv no, côngz xưv bax tưz tâu uô tiar, taz tov tok njôngr pêx xênhv thiaz kruô nuôv zax đêz jê tuôx shuôk, nuôv zax.

Muk shuôk têx qơư cxênhz yuôx, têx đồng chí thơưx car tỉnh tưz kruôk trâu kror uô jông bax uz no ntơưv têx tsôngv nênhs fuô lês jâus no thiaz haik mênhx: Tuần Txux chi- Nuôv zax Mộc Châu zos cxênhx xưv zov chênhr chia kruôk trâu têx txux chi cênhz cưv kror muôx gri, kria cxuô kror qơư pâuz thax ar lax trôngz thiaz tỉnh Sơn La kror xênhz txơưv chia huôv tsar nuôv zax. Viv li, têx đơn vị tsuv tror sir jos, uô tiar phênhv shuôv, lês jông têx phênhv tưr thiaz nthuôr hâux lưv thể thao lov jêv ntưk. Côngz xưv kriz tsuv nhav nxias nhaz xênhz, uô jông bax chia kriz tơưv jias nthuôr txux chi lov jêv, đrông ntưk thiaz txuôs jông txux chi. Cxiz cov têx xã, phường thiaz tsôngv nênhs siz chos lês muôx kaz hâu côngz xưv fuô kria, por hưv đêx ar huôz chuô nyiaz hur, tsưx truôx thax tsav nhoz njias to, huôv tsar nuôv zax vav mênhx, paz kriz yênhx côngz cxênhx xưv, huôv tsar đêz đar đuôz Sơn La txuôs jông txux chi, đrơưv đrôngk, nhiav kruô txos hur si pêx xênhv thiaz kruô nuôv zax hâur têz qơưk thiaz oz chas têz.

Kror moz siaz, ntuôk zênhx max ntơưv thơưx car tỉnh tưz zos qơư chuôz zov chênhr paz cxuô paz nênhs, têx vận động viên thiaz cưk txux cxaz nzir cêr njênhs njôngr, sir jos uô tiar jông têx cxênhx cxênhv đros trâu tsưr ziv chia kriz yênhx côngz hnuz grâuv pax.