Cxok pax ntơưv Mnov zơưv Côngz Hôx đros pêx xênhv cxuô hair nênhs Tây Bắc thiaz hlơưr saz ntơưv Qơư ndo txiax njis zơưv Côngz Hôx, têx đồng chí thơưx car tỉnh tưz uô tsâus txos têx txiax njis lox hloz ntơưv zơưv Côngz Hôx trâu xưv cxênhx cxiv tsa têz qơưk Việt Nam. Đảng bộ, nov hâu thiaz pêx xênhv cxuô hair nênhs tỉnh Sơn La chos luk trâu zơưv Côngz Hôx, zuôr lês trơưk đraiv Đảng chox car; moz siaz saiz shuôk txos têx thương binh, liệt sĩ, têx nênhs muôx côngz zis nênhs; tuôr xav ntơư zos hâux lưv muôx txiax njis, lês jông njiaz luk ndo txiax njis yar ntux trâu têx nênhs tưz tas txox sia viv têz qơưk.

Ntơưv Vax nza Liệt sĩ Tsêr tux Sơn La thiaz Tsêr ndo txiax njis têx Anh hùng liệt sĩ, têx đồng chí thơưx car tỉnh tưz cxok pax, hlơưr shaz thiaz ndo txos têx Anh hùng liệt sĩ txiax njis hâur ntu cxiv tsa thiaz por hưv têz qơưk; chos luk zuôr côngv đas jos, côngv siaz, sir jos por hưv tâu jông têx zav uôk Đảng thiaz hair nênhs cxiv tsa tâu.

Nthuôr huôv jông cênhz cưv cxiv tsa têz qơưk, Đảng bộ, nov hâu thiaz pêx xênhv cxuô hair nênhs tỉnh Sơn La zuôr tror moz siaz cơưv shâuv thiaz zôngs trơưk siaz xav, chưx pưv Hồ Chí Minh, chos luk zuôr thôngx siaz, hla đhâu têx cêr phiv liv, chor nhov; lês tiar têx cêr tuôr xav huôv tsar nhiax txiax, txux chi, xã hội, por hưv njias to thax tsav; cxiv tsa Sơn La zênhv hnuz zênhv bluô nux, jông jav, vav mênhx.