Trơưk li Sở Khoa học thiaz Công nghệ (KHCN) kria pâuz, xav txos hnuz 31/3/2026, tas nro 18/18 đơn vị cik txos tưz uô tiar gruôv 100% ntâuz ntơưr lol trâu Sở. Uô ntêx ntơư, txix hnuz 19/3 txos 22/3/2026, Sở KHCN tưz đros yênhx cơ quan cxênhz têx mông kria, cxiv tsa thiaz têx ntâuz ntơưr sâu tsês trơưk yênhx zav. Nhiv no, Sở KHCN tưz đros VNPT cxiv tsa tâu 333 qơư tsưx tsês ntâuz ntơưr ntơưv têx đơn vị trâu sâuv qơư tsưx tsês ntâuz ntơưr.

Đros ntơư, kror qơư tsưx tsês ntâuz ntơưr kriz ntơưv tỉnh (fuô lês txix kaz shông 2023) sâu nhav têx hâux lưv lês tâu jông. Xav txos hnuz 30/6/2025, tưz muôx 660 bộ tsưx tsês ntâuz ntơưr nhoz trâu zav nhiax txiax - xã hội, njuôk kho moz, choz kria ntơưr, por hưv cêr nyiaz hur… tâu kriz saiz pov njôngr. Têx qơư tsês ntâuz ntơưr no tâu cxiv tsa uô yênhx kror, cov zôngx ziv zok nriar thiaz txuôk tâu API sai đuô. Lar haik, yênhx kror qơư tsês ntâuz ntơưr muôx txix 27.000 txos 29.000 lưv lênhx kriz saiz; xav hur si yax 117.000 lưv tâu truz saiz. Hâur ntơư, Sở Nông nghiệp thiaz Huôv tsar jêx jol zos  đơn vị uô ntêx lês, đros trâu 179 zav ntâuz ntơưr.

Txơưv lês tâu ntâu zav jông, hâur ntu fuô lês cux njiz ntâu cêr phiv liv. Phênhv ntâu têx cơ quan tsik tâu muôx qơư tsês ntâuz ntơưr chuyên ngành cxuô zav; ntâuz ntơưr tsênhv tsik truôx njês, tâu saiz car tsênhv tsơưs tsik uô cê, tuôr thênhv txos hâux lưv txuôk uô cê. Ntâu zav ntâuz ntơưr gruôv txos qơư tsik tâu lês jông, tsik cxix cxuô. Ntâuz ntơưr phênhv ntâu zos zav tâu lês txix têx bê ntơưr, tsuv tas ntâu six hơưv chia cxênhz muôz trâu đruôz mair tsês ntâuz ntơưr. Lar haik, xav tas hnuz 27/3/2026, tsik tâu muôx cơ quan tưs gruôv tsưr ziv lol sik tuôr xav ntâuz ntơưr tuôr xav saiz car trâu sâuv qơư tsês ntâuz ntơưr trâu Sở.

Muôx lul chox car ntơưv jias cơưv, đồng chí Hà Trung Chiến cxiz Sở Khoa học thiaz Công nghệ (KHCN) đros VNPT chia lês tiar 333 kror qơư sâu tsês ntâuz ntơưr nhiv no muôx. Đros ntơư, cxuô sở, ngành zênhx max cxiv tsa tsưr ziv saiz car txix li muôx qơư tsưx tsês ntâuz ntơưr ntơưv nhiak đơn vị, nhav nxias lês tâu jông iz zav trâu qơư tsês ntâuz ntơưr đruôz mair.

Đồng chí Phó Chủ tịch Thường trực UBPX tỉnh haik tsuv zôngv têx tsưr ziv yiaz (AI) trâu ntu lês hâux lưv thiaz zôngv. Tuôr xav zos paz pêx xênhv, tsêr luôv zôngx ziv kriz saiz, njuôk xav thiaz zok nriar tsưr ziv muôz nhiax uô nox fiv huv.

Chia cov lês tâu truôx njês, đồng chí cxiz Sở KHCN saz lax trâu UBPX tỉnh tsa Tổ saiz car qơư tsês ntâuz ntơưr; cxiv tsa cxix cxuô cêr chai lês hâux lưv thiaz zok hâux lưv mênhx pêv trâu yênhx zav ntâuz ntơưr zôngv uô cê thiaz ntâuz ntơưr chia sơưr đơưk kriz saiz. Hâux lưv no tsuv lês tiar uô ntêx hnuz xiaz 10/4, chia bax trâu jâus kriz fuô thiaz kriz tsa tơưv qơư tsês ntâuz ntơưr tỉnh.