Jias no muôx têx đồng chí: Hà Trung Chiến, Ủy viên Ban Thường vụ Tỉnh ủy, Phó Chủ tịch Thường trực UBPX tỉnh; Vi Đức Thọ, Ủy viên Ban Thường vụ Tỉnh ủy, Phó Chủ tịch Thường trực HĐPX tỉnh; nênhs hlôngr njêx muôs Đại sứ quán Australia ntơưv Việt Nam; nênhs hlôngr njêx muôs Dự án GREAT; thơưx car cxuô sở, ngành, thax tsav đros hur si tsêr luôv, hợp tác xã (HTX) thiaz ziv nênhs uô luôv hâur thax tsav.

DCCI Sơn La 2025 tâu fuô lês hâur kror paz max ntơưv Dự án “Cxơưz pox niav txir nênhx vax huôv siz luôs đhâu hlôngr yiaz nhiax txiax, huôv tsar kôngz lông thiaz huôv tsar nuôv zax muôx kaz hâu” (GREAT) zos Chính phủ Australia paz. Ntơư zos shông xuz thơưx bộ chỉ số tâu fuô chia fiv huv têx kror zov chênhr hâur hâux lưv cxưx nhiax uô lax luôv thiaz tsưr ziv nov hâu thax tsav oz cấp tov kaz côngv muôz lok uô cê.

Shông no, tsưr ziv cxênhz yuôx tưz muôx ntâu hlôngr yiaz. Bộ chỉ số moz siaz lês cxiv tsa hâux lưv uô lax luôv zôngx ziv, cxơưz cêr sik tưr, sâu nju nhiax txiax truôx njês thiaz muôx vax huôv chox car ntơưv nov hâu. Lar haik, têx tiêu chí lok sâuv huôv tsar njuôz, hlôngr yiaz muôx phaz nzưr, huôv tsar tas nro thiaz pox niav txir nênhx vax huôv siz luôs tưz tâu sâu cxaz nzir siz luôs jok.

Đhâu fuô lês đêz đar trơưk tsưr ziv trực tuyến đros trâu ndâux luk nus. Ban kriz tưr lok six moz siaz txos paz tsêr luôv zos pox niav, pox niav hair nênhs tsơưs thiaz nênhs muôx moz uô tsưr lo luk. Kror no kria pâuz sâu bê ntov nti ntơưv tỉnh Sơn La hâur cxiv tsa hâux lưv cxưx nhiax uô côngz fênhx, siz jê thiaz truôx njês.

Shông 2025, muôx 1.539 tsêr luôv, HTX thiaz ziv nênhs uô luôv tâu sơưr hov. Điểm số fênhx đraz ntơưv tỉnh tâu kruôk: Khối sở tâu 74,78 điểm; khối ngành tâu saiz car tâu 74,60 điểm; khối xã, phường tâu phaiz mênhx pêv hâur 18 đơn vị tâu njuôk tsov. Ntâu thax tsav, đơn vị tưz siz chos paz tsêr luôv đơưk tâu sai cêr chor nhov. 

Ntơưv jias cơưv, UBPX tỉnh Sơn La tưz fuô hâux lưv uô tâu hâur cxênhz yuôx DCCI shông 2025 thiaz kruôk têx sở, ngành, thax tsav xav tơưv ntâu tsưr ziv muôx liv, sir jos hlôngr yiaz hâux lưv thiaz đros paz tsêr luôv. Trơưk ntơư, Sở Txux chi, Thể thao thiaz Nuôv zax sơưr uô ntêx hlo tâu 76,3 điểm; Sở Nội vụ sơưr tiv 2 đros trâu 76,24 điểm; Sở Công Thương sơưr tiv 3 tâu 75,71 điểm.

Fuô luk jâus no, đồng chí Phó Chủ tịch Thường trực UBPX tỉnh tưz kruôk trâu têx sở, ngành, thax tsav tưz tâu xair hov, điểm số siaz hâur bảng xair hov DCCI shông no; chia công nhav têx sir jos hlôngr yiaz hâur chox car, paz tsêr luôv hâur ntâu đơn vị.

Đồng chí cxiz cov têx sở, ban ngành, thax tsav tror hlôngr yiaz cêr xar hâur saiz car, chox car trơưk faz nov hâu paz, nov hâu huôv tsar; saiz pêx xênhv thiaz tsêr luôv lok six zov chênhr; zuôr pêx xênhv thiaz tsêr luôv kror jông siaz chia công nhav cơ quan uô côngz xưv uô tâu thiaz tsik tâu hâux lưv. Moz siaz txo tsơưs ntâuz ntơưr, hlôngr yiaz kror qơư cxưx nhiax uô lax luôv; cxênhz yuôx, txo tsơưs hnuz nhôngs tu ntâuz ntơưr; hlôngr yiaz kror ndax ndênhk, mênhx pêv; tsik tsês sir zôngv công nghệ thông tin thiaz hlôngr pâur số hâur tu ntâuz ntơưr. Yênhx sở, ngành, thax tsav tsuv haik mênhx hâux lưv uô tâu DCCI shông 2025, lar haik têx chỉ số thành phần tsênhv kik; tsov xav mênhx luz cênhz; cxiv tsa tsưr ziv hlôngr yiaz mênhx pêv, zov chênhr, mênhx tiz nênhs, mênhx hâux lưv, mênhx hnuz nhôngs uô tiar thiaz mênhx phênhv shuôv fuô lês. Saiz hloz thơưx car vax huôv, phênhv shuôv hâur côngz xưv hlôngr yiaz kror qơư cxưx nhiax uô lax luôv thiaz hlôngr yiaz  chỉ số DCCI...

UBPX tỉnh chos luk tror paz cxiv tsa tsưr ziv cxưx nhiax uô lax luôv zôngx ziv, ndax ndênhk, mênhx pêv, zuôr pêx xênhv thiaz tsêr luôv kror jông siaz chia công nhav uô tâu thiaz tsik tâu hâux lưv chox car. /.