Thôngz tỉnh nhiv no muôx 16.450 ha txir mo môngk, nto 97.133 tấn; muôx 71 mã kria qơư chos 820 ha. Têx txir mo môngk ntơưv tỉnh nhiv no tưz muôx muôs thôngz têx siêu thị hâur têz qơưk thiaz tâu muôs muk têx têz qơưk: Hàn Quốc, Trung Quốc, Úc, Mỹ. Taz sik, hâux lưv txir mo môngk tsênhv njiz ntâu cêr phiv liv, tiv zos tuz luôv zuôr tsik truôx njês, têx cêr siz khov lax luôv tsênhv tsơưs, têx chai zênhv hnuz zênhv khov cov uô jông đuô.

Ntơưv jias uô hâux lưv, Công ty TNHH Cxưx nhiax uô lax luôv Tiến Ngân tưz piar kria têx hâux lưv zuôr thiaz tu têx kôngz muôs muk oz chas têz; tsik tas li cux kria mênhx têx tsưr ziv tu têx têz chos txir ntâu chia muôs muk oz chas têz qơưk. Luz 9/2025, tsêr luôv tưz muôs thơưx lưv txir mo môngk muk Hàn Quốc nto 16 tấn. Shông 2026, Công ty tưz chos luk zuôr bax zuôr 1.500 tấn txir mo môngk nhôngk txix luz 5 hli txos 9 hli. Tsêr luôv chos luk zuôr iz chiaz 6.000 nhiax cias ntơưv vax; zos tus grê thôngz têz qơưk ndê mak tsêr luôv cux zuôr ndê cov huv. Têx hâux lưv no, zuôr tâu siz chos luk cias thâuv txir nhiv kruôr txi, muôz 5% nhiax uô ntêx. Têx qơư chos txir cux zuôr chos luk uô jông tu trơưk đraiv chai muôs muk têz qơưk Hàn Quốc thiaz zuôr tsuv muôx txir txâuk muôs truôx njês, tsêr luôv chia siaz zuôr huôv tsar ntâu thax têz txir mo môngk ntâu txâuk chai, hâur ntơư têx txir zuôr tsuv tâu uô jông muôz hnaz lôngx, tu cov siar đê huv hnuz nhôngs (luz txir kôngk, tơưr) jông yax mak têx thax tsav tưz muôx mã số.

Hlôngr njêx muôs têx tsêr luôv, HTX chos thiaz muôs txir mo môngk tưz saz lax, haik mênhx têx cêr phiv liv thâuv siz khov muôs têx txir, têx cêr chai, ntâuz ntơưr kria qơư chos; khov cov huôv tsar cêr lax luôv đar đuô, uô jông tu têx hax huv cov jông thiaz xair yênhx thax tsav chos kôngz yênhx hax huv truôx njês.

Ntơưv jias uô hâux lưv, nov chox car Sở Kôngz lông thiaz Môi trường cxiz cxuô qơư, HTX thiaz têx tsêr luôv tror trâu siaz siz khov tu; cov têx hax huv jông, trơưk đraiv chai muôs uô lax luôv li têx tuz luôv zuôr huv nhiav; cxênhz thiaz huôv tsar têx têz chos txir tưz muôx mã số. Sir zôngv khoa học kỹ thuật paz max tu thiaz thâuv đê uô jông tu tsês; tsêr luôv zuôr trơưk đraiv tưz chos luk, siz chos cxiv tsa têx têz chos ntâu cov muôx txir txâuk muôs truôx njês.

Cux ntơưv jias uô hâux lưv no, Công ty TNHH Cxưx nhiax uô lax luôv Tiến Ngân tưz đros iz cxia HTX hâur thax tsav tỉnh siz chos luk siz khov zuôr thiaz muôs txir mo môngk, kriz cêr lax luôv truôx njês, cxơưz txir mo môngk Sơn La jông gri.