Hâur jias uô hâux lưv, thơưx car têx đơn vị ntơưv oz tỉnh tưz kria pâuz lok sâuv vax huôv, hâux lưv, qơư lês nuv thiaz cán bộ ntơưv Sở Tư pháp, Thi hành án dân sự. Đros ntơư, kria pâuz têx tsưr ziv lok sâuv côngz xưv cxiv tsa têx ntâuz ntơưr; hâux lưv ntâuk thưx hâur saz tư pháp; côngz xưv fuô kria cêr chai têz qơưk. Tsưr ziv kriz tu plâuz, tsưr ziv sir zôngv công nghệ thông tin, hlôngr pâur số lok paz max chia kriz tu plâuz, côngz xưv siz kria chia tu têx plâuz cik txos pêx xênhv nhoz hâur thax tsav tỉnh Sơn La thiaz U Đôm Xay thâuv muôx yưv.

Thơưx car Sở Tư pháp Sơn La, Thi hành án dân sự tỉnh thiaz Sở Tư pháp tỉnh U Đôm Xay tưz thôngx iz trôngs luk ntâuz ntơưr chos luk hâur saz tư pháp, thi hành án dân sự. Trơưk ntơư, têx đơn vị tror siz chos cơưv shâuv lok sâuv côngz xưv tư pháp; fuô lês hâux lưv trơưk vax huôv têx njiaz luk tưz chos lul txix li Bộ Tư pháp oz luz têz qơưk tưz cir.

Đros ntơư, moz siaz choz kria têx cán bộ, công chức thiaz pêx xênhv cxuô hair nênhs ntơưv têx tỉnh lok sâuv cêr thôngx siaz, siz trâus jông thiaz cêr siz khov txix li têz qơưk Việt Nam - Lok Tsuôk haik tas nro, cêr siz khov txix li tỉnh U Đôm Xay - tỉnh Sơn La haik khênhx; moz siaz fuô kria trâu têx công chức, viên chức ntơưv Sở Tư pháp, Thi hành án dân sự tỉnh lok sâuv cêr siz khov cik txos côngz xưv tư pháp, thi hành án dân sự.