Ntơưv jâus siz nus tsưr ziv, cán bộ, tuz sâu mông, kho sâu, kỹ thuật viên, cộng tác viên ntơưv Báo thiaz XTC-XĐ Sơn La tưz tâu kria txos chuyên đề: Báo chí Sơn La - cênhz cưv thiaz hlôngr yiaz hâur ntu nênhx số. Trơưk ntơưr, saiz hloz hlôngr cêr xav uô tơưv, cxaik uô “Cêr xav số thiaz ntâu hâur pâuk tsưs”; ndo njôngr cxiv tsa “Côngz bê tus khênhx” đros đraiv phênhv shuôv nênhs uô báo thiaz tsik tsês tưx cơưv shâuv chia uô tsưr chuôz zênhx.

Ntơưv jâus cơưv nzir cux tsês ntâu six hơưv chia cán bộ, phóng viên, cộng tác viên siz nus đros têx nênhs sâu báo muôx tsưr ziv txos têx cxênhx xưv, ntơưv qơư muk txos thiaz têx zav muôx yưv thâuv uô nuv. Đros ntơư, cơưv nzir cơư đuôz, cxaik zênhx zav báo chí jông fiv; uô tơưv video lur, Infographic, Podcast, njiaz luk số.

Đhâu jâus siz nus tsưr ziv uô hâux lưv, têx nênhs uô tơưv báo ntơưv Báo thiaz XTC-XĐ Sơn La tâu cxaz nzir txux chi, cêr tâu cơưv, paz max yôngv siaz cêr uô tơưv têx báo chí, fiv huv cêr fuô luk trâu ntu nênhx yiaz. Đros ntơư, cxơưz paz hlôngr yiaz cêr xav uô báo, cxiv tsa têx nênhs sâu xor mông báo txơưx sâu, pâuz xav, fiv huv cêr khov huôv tsar báo chí jông fiv, muôx txiax njis trâu sơưr đơưk saiz thiaz mnôngs.