Taz thiaz đros Paz côngz xưv uô hâux lưv, muôx đồng chí Đinh Hữu Học, Ủy viên Ban Thường vụ Tỉnh ủy, Phó Chủ tịch Thường trực UBPX tỉnh, Thơưx Ban Chox car côngz xưv đriv têz tỉnh Lạng Sơn; thơưx car têx sở, ngành, têx nênhs muôx vax huôv thiaz têx đơn vị cik txos ntơưv tỉnh Lạng Sơn.

Hâur jias uô hâux lưv, đồng chí Đinh Hữu Học tưz kria pâuz lok sâuv hâux lưv saiz car đriv têz, têx hâux lưv ntơưv trôngx lôngs. Lạng Sơn muôx đriv têz nhoz puôz têz qơưk Trung Quốc ntêr 231,74 caik, đros trâu 344 tus ndêx chiv zov chênhr, 130 tus ndêx chiv zâu thiaz 10 trôngx lôngs. Hâur 6 hli hâu shông, hâux lưv muk lok đhâu đriv têz tưz lês tâu ntâu zav txâuk kruôk; sâu nhiax sê tâu yax 9.300 tỷ đaiv, tâu 97% cêr tuôr xav Trung ương zok, sir jos hâur shông 2026 tâu 18.000 tỷ đaiv.

Thơưx car têx sở, ngành, têx nênhs muôx vax huôv, têx xã ntơưv oz tỉnh tưz siz chos kria côngz xưv saiz car, por hưv đriv têz; cêr chai siz khov txix li Biên phòng, Hải quan, Công an thiaz nov hâu thax tsav hâur por hưv đriv têz, paz zôngx ziv chia lês jông hâux lưv thâux hax huv muôs đhâu đriv têz.

Oz tỉnh tưz kria têx tsưr ziv fuô lês hâux lưv cxiv tsa “Trôngx lôngs số”, sir zôngv hlôngr pâur số lok saiz car têx yêz, tiz nênhs muk lok đhâu đriv têz; đros ntơư siz chos kria pâuz lok sâuv côngz xưv cxênhz yuôx đriv têz, phax tar têx nênhs muôs hax huv chuôr, hax huv cxâuv chai hla đriv têz.

Muôx luk jias no, đồng chí Đặng Ngọc Hậu tưz uô tsâus txos hâux lưv taz paz côngz xưv tỉnh Sơn La; đros ntơư kria đriv têz ntơưv tỉnh Sơn La đros trâu yax 274 caik puôz trâu têz qơưk Lok Tsuôk, têx trôngx lông, ndêx chiv đriv têz thiaz têx zênhx đriv têz por hưv thax tsav đriv têz qơưk.

Đồng chí haik mênhx, têx zav lês tâu jông ntơưv tỉnh Lạng Sơn zuôr zos qơư chuôz jos zov chênhr chia Sơn La sir zôngv hâur lês côngz xưv saiz car đriv têz, saiz car trôngx lôngs đriv têz thiaz hlôngr pâur số hâur ntu zuôr txos. Xar cov oz tỉnh tror moz siaz lês jông côngz xưv kria nzir tsưr ziv, moz siaz siz khov truôx khor, lês jông côngz xưv saiz car đriv têz thiaz cxơưz paz huôv tsar nhiax txiax - xã hội thax tsav đriv têz.