Dự án tâu UBPX tỉnh Sơn La cir ntơưr uô trơưk Quyết định số 1714 Hnuz 21/8/2024, thax qơư thuk ar đar 4.660 thiar xưv phaz, muôx 54 ziv pêx xênhv, têx tus khênhx. Txos nhiv no, cơ quan muôx vax huôv tưz cir ntơưr thêv nhiax paz 54 ziv thiaz 1 tổ chức yêv qơư, đar yax 3.344 thiar xưv phaz, tas nro yax 141 tỷ nhiax; tưz thêv tas 135 tỷ 130 triệu nhiax trâu 48/54 ziv. Nhiv no, 45/54 luz tsêr tưz tâu ruôr. Phường Tô Hiệu taz tov cxiz têx ziv tsik tâu yêv cov zênhx max yêv chuôz tav, ruôr vax tsê, zok ar; lês trơưk chai yêv txos kror tưs, zok ar txos ntơư, chia uô cêr.

Chia cov uô tiar hâux lưv, phường Tô Hiệu tưz uô têx ntơưr cxưx nhiax: Cxênhz, cir, njuôk tsov, xair tsêr luôv chia uô. Iz chas ntơư, tưz fuô chai tsa yar siz tưr “100 hnuz thiaz hmo sir jos uô Dự án txox cêr yêz số 1A, vax pax Yar tiax lox Tây Bắc (ntu txix cầu Trắng yuôv txox 1A)”. Tror đros têx đơn vị cik txos, cxiz nênhs, chuôz zênhx, nhiax txiax uô cov sai, sir jos cov tiar txox cêr txâuk chai chia zok lok zôngv uô ntêx hnuz xiaz 10/10/2026, saiz hloz 131 shông hnuz tsa yênhx tỉnh Sơn La thiaz hnuz nthuôr cêr lov jêv cà phê tỉnh Sơn La jias tiv oz shông 2026.