Têz qơưk hâux lưv cxiv kho jêx jok yiaz, txo cêr pluôs truôx njês thiaz huôv tsar nhiax txiax-xã hội thax tsav pêx xênhv nênhs tsơưs thiaz tox siaz, ntu 2026-2030 tâu Quốc hội tso chai cxiv tsa trơưk Nghị quyết số 257/2025/QH15 hnuz 11/12/2025, txix li tích hợp txix 3 cxiax cxênhv têz qơưk xav ntu 2021-2025: Cxiv kho jêx jok yiaz; txo cêr pluôs truôx njês; huôv tsar nhiax txiax - xã hội thax tsav pêx xênhv nênhs tsơưs thiaz tox siaz.

Xav li tỉnh Sơn La, cêr xav mênhx txos shông 2030, sir jos tsar nhiax siz bâus ntơưv pêx xênhv jêx jok yax 2,5 - 3 bâus njuôk li shông 2020, sâu nhiax siz bâus ntơưv pêx xênhv nênhs tsơưs bâuv ½ xav siz bâus hur hâur têz qơưk; têx ziv pluôs (trơưk ntâu zav ntu 2026-2030) tsơưs siz bâus 1,5-2 điểm%/shông; thax tsav pêx xênhv hair nênhs tsơưs thiaz tox siaz tsik yuôr xã, jok lok sik txov nhêv; txos shông 2030 muôx 53% xã (bâuv li 36 xã) tâu côngz jêx jok yiaz. 

Fuô lês Cxiax cxênhv, Thường trực Tỉnh ủy, HĐPX, UBPX tỉnh moz siaz chox car, tso tơưv têx nghị quyết, câuk luk, quyết định lês thiaz xav hâux lưv chính trị zov chênhr, zênhx max. Têx cơ quan, đơn vị, têx thax tsav ndo njôngr kriz lês fiv huv ntơưv tỉnh. Đros ntơư, tsa tơưv Ban Chox car, cơ quan Thường trực cấp tỉnh, cấp xã.

Tov kaz sâu uô cê nov hâu thax tsav 2 cấp, tỉnh Sơn La muôx 67 xã, hâur ntơư, 67/67 xã nhoz thax tsav pêx xênhv nênhs tsơưs thiaz tox siaz; 66/67 xã nhoz thax tsav 3; 1 xã (xã Mai Sơn) nhoz côngs 1 đuô li 66 xã zos côngs 3. Trơưk cxiax cxênhv, xav hur si nhiax Trung ương truz trâu shông 2026 chia lês trâu hur si tỉnh yax 953 tỷ nhiax. Txos hnuz 4/6, muôz zuôr luôs 164,5 tỷ nhiax, tâu 17,25% cêr xav; hâur ntơư nhiax cxiv tsa huôv tsar tâu 48,1%, pênhr xưv cxênhx tâu 7,1%. Xav li nhiax tỉnh, hur si truz ntêr lês shông 2026 yax 50 tiv đaiv, txos nhiv no muôz nhiax jê 0,5 tiv đaiv, tâu 0,96% cêr xav.

Fuô luk jâus cơưv, đồng chí Chủ tịch UBPX tỉnh cxiz cov têx đồng chí thành viên Ban Chox car, têx thax tsav uô sai cêr lês piar trâu kiz muôx vax huôv tso tơưv ntâuz ntơưr mênhx pêv têx cêr xav, kria ntơưv Trung ương fiv huv ntơưv zuk thax tsav; zênhx đơưk chor nhov, khuôv đais, chok nxiak txâuk chai fuô lês; tso tơưv ntâuz ntơưr mênhx pêv, chok nxiak mênhx phênhv shuôv, kriz lus, mênhx pêv, zôngx ziv lês, cxênhz yuôx, sox njôngr. Cxênhz yuôx, kho đơưk chor nhov, khuôv đais thâuv lês trơưk vax huôv, phênhv shuôv phaiz nuv, thax tsav saiz car; zênhx max khov đơưk têx txơưr viv hla vax huôv (zos muôx) gruôv trâu Sở Kôngz lông thiaz Môi trường sâu hur si fuô trâu Ban Chox car tỉnh, UBPX tỉnh chox car tu trơưk chai xav. Thâuv fuô lês tsuv moz siaz txos cêr muôz nhiax.