Txix hmo xiaz 4 txos hnuz xiaz 7/8, hâur thax tsav xã Muổi Nọi muôx yưv ntux lok nas ntêr tưz uô trâu tox poz cxuz ntâu ntu cêr. Txos hnuz xiaz 7/8, muôx 3/16 jok mas hiav saz; muôx 210 zis hâur 2 luz jok zuôr tsuv tâu yaik zênhx max muk nhoz trâu qơư yiaz, nhaz xênhz. Hâu ntơư, jok Lẩy, muôx 176 zis đros trâu 910 lênhx nênhs nhoz hâur thax qơư phiv liv zuôr tsuv tâu yaik zênhx max; muôx 27 zis đros trâu 135 lênhx nênhs zuôr tâu yêv vax tsê muk trâu qơư yiaz, nhaz xênhz. Ntux lok nas tưz hiav yax 35 ha blêx liax, 4,5 ha cà phê, 3 ha pak đêx; ntâu ntu cêr, cưx đêx mas hiav saz, xav pôngz tas lơưv zuôr luôs 7,3 tỷ đaiv nhiax.

Paz côngz xưv tưz đros nov hâu xã Muổi Nọi uô hâux lưv lok sâuv đơưk têx cêr phiv liv viv ntux nas hiav hâur thax tsav xã. Cias tov kaz ntux lok nas lox thiaz nziv muôx yưv tox poz, Đảng ủy xã Muổi Nọi tưz moz siaz chox car UBPX xã, Ban Chox car por hưv thax tsav xã lês cêr tsưr ziv đros trâu njiaz luk “4 cias ntơưv qơư”, sir jos tir tar tsik chia hiav txos trâu pêx xênhv txox sia. Xã cux tưz cxênhz yuôx thax qơư yiaz chia yaik têx zis nhoz hâur thax tsav phiv liv muk nhoz.

Hâur jias uô hâux lưv, xã Muổi Nọi khov cov tỉnh chox car têx sở, ngành chuyên môn zênhx max cxênhz yuôx têx cêr phiv liv ntơưv jok Lẩy, jok Phặng, jok Bon thiaz têx thax tsav nziv muôx yưv tox poz. Saz lax, xair qơư trâu pêx xênhv ntơưv jok Pom Hua Lộn muk nhoz, uô ntêx hlo zos moz siaz paz 27 zis, đros trâu 135 lênhx nênhs njiz ntâu cêr phiv liv. Đros ntơư paz nhiax, chuôz zênhx thiaz tiz nênhs chia kho têx cêr, qox hla đêx, cưx đêx, kho đêx trâu pêx xênhv sir zôngv.

Muôx luk hâur jias uô hâux lưv, đồng chí Lò Minh Hùng sâu nhav, kruôk txos kror moz siaz ntơưv cấp ủy, nov hâu xã Muổi Nọi hâur côngz xưv phax tar ntux nas hiav, yax hlo zos zênhx max yaik pêx xênhv tơưv đhâu têx qơư phiv liv, tsik chia hiav txos tiz nênhs txox sia. Đồng chí cxiz cov xã Muổi Nọi tror cxênhz ntux nas, cxênhz hur si têx qơư nziv muôx yưv tox poz, đêx cuôr chia yaik pêx xênhv nhoz trâu qơư yiaz, tsưx truôx têx nênhs lês hâux lưv cias ntơưv qơư, tsi njênhk por hưv cêr nhaz xênhz. Uô ntêx hlo sir zôngv pênhr nhiax ntơưv xã chia lês têx hâux lưv muôx yưv; đros ntơư saz lax khov trâu tỉnh paz nhiax chia kho têx cêr muk lok, đêx sir zôngv thiaz đêx lok trâu liax.

Đồng chí cux cxiz cov UBPX tỉnh chox car cxênhz têx ar ntơưv jok Lẩy, tuôr xav mênhx têx thax qơư nziv zuôr piz chia yaik pêx xênhv nhoz trâu qơư nhaz xênhz. Đros ntơư, tror gruô hu tiz nênhs paz xã Muổi Nọi lês hâux lưv; saz lax muôz nhiax cxiv tsa qơư cxênhz yuôx ar ntơưv jok Lẩy; saz lax muôz nhiax trâu xã Muổi Nọi kho têx cêr zov chênhr, kho cưx đêx chia cov paz trâu pêx xênhv luz nênhx nzor truôx njês.

Paz côngz xưv muk shuôk, cxơưz jos têx zis nênhs mas ntux nas hiav ntơưv jok Lẩy, xã Muổi Nọi. Thường trực Tỉnh ủy puz 5 poz huv, xav nhiax 5 triệu đaiv/poz huv thiaz puz huv trâu têx nênhs lês hâux lưv phax, tar ntux nas hiav ntơưv xã; puz 10 poz huv, xav nhiax 2 triệu đaiv/poz thiaz puz huv trâu 10 zis pêx xênhv mas ntux nas hiav ntơưv xã Muổi Nọi.