Jâus no muôx têx đồng chí hlôngr njêx muôs trâu Quân khu 2, thành viên Hội đồng Nghĩa vụ quân sự tỉnh, Bộ Chỉ huy Quân sự tỉnh, Công an tỉnh, Ban Chỉ huy Siv tir tar tros thax tsav 2 - Sông Mã; thơưx car Ban Chỉ huy Quân sự, Công an 13 xã hâur thax tsav; nênhs hlôngr njêx muôs têx đơn vị nhav hluôk nênhs muk uô hâux lưv por hưv têz qơưk đros hur si tsêr nênhs thiaz pêx xênhv thax tsav. 

Ban Chỉ huy Siv tir tar tros thax tsav 2 - Sông Mã tưz tưx tsov xav tsưr ziv saz lax, chox car 13 xã hâur thax tsav cxiv tsa Hội đồng Nghĩa vụ quân sự, têx ntâuz ntơưr fuô lês côngz xưv xair hluôk nênhs muk uô hâux lưv por hưv têz qơưk shông 2026. Đhâu cxênhz thiaz xair tsov ntơưv cơ sở, đơn vị tưz xair tâu 309 tus hluôk nênhs txâuk chai tsiv txiax chính trị, cơưv tas ntơưr thiaz muôx đas jos. Hâur ntơư, 215 tus hluôk muk uô tuz lênhv thiaz 94 tus uô Công an pêx xênhv. Têx hluôk zuôr tâu zok trâu têx đơn vị: Trung đoàn 82, Sư đoàn 355 (Quân khu 2); Bộ Chỉ huy Tuz lênhv Đriv têz tỉnh; Công an tỉnh. Côngz xưv xair hluôk nênhs tâu fuô lês ntov nti, zos chai, nhav nxiak uô jông thiaz bax txưv tiz nênhs muk uô hâux lưv por hưv Têz qơưk.

Fuô luk hâur jias no, đồng chí Cuôv Xênhv Tsaz xar cov têx hluôk nênhs cxơưz cênhz cưv nhiav têz nhiav qơư; truôx siaz sir jos, tsik tsês cơưv shâuv hla đhâu cêr txov nhêv chia uô tiar lês jông hâux lưv tâu zok, paz cxiv tsa thiaz por hưv Têz qơưk nhoz njias to. Đồng chí cxiz cov cấp ủy, nov hâu thax tsav fuô lês jông cêr chai bax txưv jâuz mor đêx hâuk cxix cxuô; por hưv têx hluôk nênhs tsêr nênhs luz nênhx tâu jông thiaz tsik tsês choz kria cênhz cưv uô têz uô qơư trâu fâuv hluôk, zos qơư chuôz zov chênhr paz lês jông côngz xưv xair hluôk nênhs muk uô hâux lưv por hưv têz qơưk trâu têx shông zuôr txos.

Uô ntêx hnuz muk uô hâux lưv por hưv têz qơưk, cấp ủy, nov hâu, têx tổ chức đoàn thể 13 xã hâur thax tsav tưz krưr huv, ntuôk, cxaz nzir đas jos chia têx hluôk nênhs tso siaz muk uô hâux lưv por hưv têz qơưk, huôv tsar thax tsav cênhz cưv hâur ntu fuô lês phênhv shuôv muk uô hâux lưv por hưv têz qơưk.