Ntơưv jias saz lax, Hội Cựu chiến binh (CCB) oz tỉnh tưz siz chos kria têx hâux lưv lês tâu hâur côngz xưv hội hâur ntu đhâu, siz chos cơưv shâuv tsưr ziv kriz têx cêr siz tưr; têx tsưr ziv chia cov lês jông đuô côngz xưv hội fiv huv trâu zuk luz tỉnh.

Oz tỉnh tưz saz lax, thôngz iz trôngs luk têx njiaz luk siz khov, cir ntơưr siz khov hâur ntu zuôr txos, moz siaz trâu têx njiaz luk, li: Hội CCB oz tỉnh tror siz chos fuô kria trâu têx cán bộ, hội viên lok sâuv cênhz cưv thôngx siaz txơưr hlo ntơưv oz Đảng, oz têz qơưk thiaz tổ chức Hội CCB; siz chos kria pâuz têx ntâuz ntơưr, têx chuôz zênhx, têx tuz lênhv thiaz dân công Việt Nam tưz tas siv nênhx ntơưv tỉnh Phông Sa Lỳ thiaz ntơưv têz qơưk Lok Tsuôk. Siz chos cơưv shâuv lok sâuv tsưr ziv paz CCB huôv tsar nhiax txiax, cxiv tsa pênhr nhiax paz hội viên pluôs; siz chos, paz zôngx ziv trâu têx tsêr luôv CCB oz luz têz qơưk zok nriar qơư uô hâux lưv, muôs hax huv. Tsik tsês siz kria tsưr ziv kriz lês hâux lưv ntơưv hội; paz zôngx ziv trâu Hội CCB oz tỉnh muk siz shuôk, siz chos cơưv shâuv tsưr ziv hâur ntu zuôr txos…