Xã Mường Chanh tâu tsa tơưv txix sâu uô cê xã Mường Chanh thiaz Chiềng Chung, đar 101,47 caik xưv phaz, muôx 14 jok, 2.330 ziv; yax 98% toz hâu nênhs zos pêx xênhv nênhs tsơưs, phênhv chôngz zos Poz Ziz. Xã đêz tỉnh li 20 caik, muôx yax 17 caik tỉnh txox 117 muk đhâu.

Mường Chanh zos thax tsav muôx cênhz cưv uô têz qơư, tâu puz côngz Anh hùng Lực lượng vũ trang pêx xênhv hâur ntu ntâuk tros Phaz Cir; Thax qơư uô têz qơư Mường Chanh tâu xair hov uô têz qơư zos tỉnh tus shông 2006. Xã tsênhv txuôs tâu ntâu txux chi pêx xênhv Poz Ziz tus li tsêr tsar lơưx, sênhr chêr uô lov jêv Poz Ziz, haik cưr cxiax, gruôv pax, kar nox, puôz lâux câuz huz ar cênhz cưv thiaz têx cêr đaz kruô, nox nhoz. Têx no zos zav tsiv nux chia huôv tsar nuôv zax txux chi, nuôv zax tsôngv nênhs. 

Lês Nghị quyết số 07-NQ/TU hnuz 30/12/2025 ntơưv Ban Chấp hành Đảng bộ tỉnh txos huôv tsar nuôv zax ntu shông 2025-2030, xã Mường Chanh tưz cxiv tsa Đề án Huôv tsar nuôv zax ntu 2026-2030; yuôx têx zav muôx, njuôk saiz têx txơưr viv nhiv no, xav têx zav txơưv zênhx, muôx liv thiaz xav faz huôv tsar. Nghị quyết Đại hội Đảng bộ xã jâus tiv I, ntu 2025-2030 xav tâu cêr huôv tsar kôngz lông, shôngz ntông, nuôv zax tox trôngz đros hlôngr số, huôv tsar njuôz, truôx njês zos iz hâur têx kror uô tâu yax.

Taz sik, nuôv zax Mường Chanh nhiv no nhuôv kruôr piz huôv tsar. Têx cêr uô têz qơư, txux chi, tox trôngz thiaz huv kaz txơưr hlo nhuôv kruôr tâu nhax pâuz, tsik tâu muôx qơư tuôx ndis, huv thiaz qơư uô têx zav tsik tâu tiar; tsêr jông nuôv zax tsênhv tsik tâu muôx, tsik siz luôs; tsik tâu gruô hu tâu tsêr luôv, đơn vị uô luôv kruô nuôv zax cxiv tsa, txuôk chuôs cêr lax luôv. Tiz nênhs txơưx tsik tâu chôngz, pêx xênhv tsik tâu choz kria cxix cxuô tsưr ziv kriz cêr nuôv zax, tok kruô, cxiv tsa huv thiaz yâu mông hâur tsưs số...

Ntơưv jâus saz lax, têx đại biểu tưz siz nus, saz lax txos côngz xưv tsưx tsês thiaz huôv nzir nux gri cêr uô têz qơư - txux chi paz max huôv tsar nuôv zax; cxơưz paz cxiv tsa, txuôk chuôs kruô nuôv zax thiaz huôv tsar kriz cêr nuôv zax Mường Chanh; cxiv tsa huv nuôv zax txơưr hlo đros đraiv têx zav muôx ntơưv jêx jok; zôngv hlôngr số hâur cxiv tsa njux đuôz thiaz fuô kria nuôv zax xã Mường Chanh.

Fuô luk ntơưv Saz lax, đồng chí Lò Minh Hùng cxiz cov têx cấp, têx ngành xav mênhx qơư ntơưv nuôv zax Mường Chanh hur si hâur  cêr huôv tsar nuôv zax ntơưv tỉnh; tsov xav tsa yênhx têx paz, pưs kruô siz khov, cxiv tsa têx huv tsik siz thôngx, muôx txux chi, cxoz chia siz thôngx; zuôr nux gri uô têz qơư, txux chi thiaz tsôngv nênhs uô tsưs chuôz cxiv tsa bê lax luôv nuôv zax Mường Chanh; côngv tsov xav têx côngs huv fiv huv. Đros ntơư, sir jos hlôngr số hâur cêr huôv tsar nuôv zax; haik zos mông kria txos qơư ndis saiz, nhoz so, huv, cxuô zav; tsik tsês yâu mông hâur têx faz tsưs số; tsov xav zôngv bản đồ số, mã QR, piar luk kria điện tử, njux đuôz 360 độ thiaz tsưr ziv nênhs xav tơưv fiv huv cêr tsênhz mênhx. Zuôr pêx xênhv uô tsưr thiaz zos nênhs tâu zôngv cêr muôx liv txix nuôv zax; uô jông côngz xưv fuô kria, zaz zâuv chia pêx xênhv ndo njôngr cxiv tsa huv, paz uô têx zav nuv, por hưv txux chi thiaz tâu zôngv têx muôx liv ntơưv nuv uô nuôv zax.