Saz lax tưz nhav tâu 9 báo cáo ndâux luk nzir ntơưv têx sở, ban, ngành, yar cơưv đại học, cao đẳng, tsêr luôv thiaz chuyên gia thax tsav tỉnh. Têx ndâux luk nzir côngv trâu têx côngs nuv zov chênhr: Faz yôngv siaz jông nhiax txiax chia uô cov tâu muôx yax khoa học, công nghệ, hlôngr yiaz xav tơưv thiaz hlôngr số thax tsav tỉnh; cxơưz hlôngr số hâur choz kria tỉnh - têx nuv uô thiaz xav faz uô tâu yax; hlôngr yiaz nuv tsov xav khoa học thiaz choz kria chuôz zênhx ntơưv Yar cơưv Đại học Tây Bắc paz max huôv vav nhiax txiax - xã hội tỉnh; têx tưz pov thiaz faz uô tâu muôx yax huôv tsar khoa học, công nghệ, hlôngr yiaz xav tơưv thiaz hlôngr số hâur têx nuv txux chi thiaz nuôv zax thax tsav tỉnh…

Ntơưv jâus saz lax, têx đại biểu tưz côngv saz lax, xav têx faz xuz uô li uô tiar cêr chai, nhiax txiax; yôngv siaz tiz nênhs; cxơưz paz hlôngr số hâur choz kria ntơưr, kho moz; sir zôngv khoa học, công nghệ hâur kôngz lông, têx zav nhoz tox trôngz hâur pêk, txux chi, nuôv zax thiaz công thương. Txix li ntơư, taix khov têx faz uô tâu muôx yax chia cxơưz paz tsov xav, sir zôngv thiaz hlôngr kria khoa học - công nghệ đros đraiv tsênhz mênhx uô kôngz thiaz cêr uô nênhx nhoz.

Jâus saz lax zos yar thax chia têx nênhs xav khoa học, nênhs tsov xav thiaz tsêr luôv kênh têx tsưr ziv, tsik so txuôk chuôs, tsa yênhx têx cêr siz khov hâur tsov xav, sir zôngv thiaz kria chuôz zênhx. Đhâu ntơư, siz chos muôx cêr côngv siaz, thôngz luk hâur cêr to tâuz thiaz uô nuv, iz thênhv jux juk yôngv siaz txiax njis fuô lês têx hâux lưv khoa học, công nghệ, hlôngr yiaz xav tơưv thiaz hlôngr số thax tsav tỉnh hâur ntu zuôr txos.