Jias no ntơưv tỉnh Sơn La muôx đồng chí Nguyễn Minh Tiến, Phó Chủ tịch UBPX tỉnh; thơưx car Sở Nội vụ; nênhs hlôngr njêx muôs têx sở, ban, ngành ntơưv tỉnh thiaz UBPX têx phường hâur thax tsav tỉnh.

Lok sâuv tỉnh Jeollabuk, muôx zơưs Kang Se Kwon, Giám đốc Trung tâm Kỹ thuật Kôngz lông thành phố Jeonju.

Fuô luk jâus no, đồng chí Phó Chủ tịch UBPX tỉnh lok six uô nov hâu thành phố Jeonju, tỉnh Jeollabuk, Hàn Quốc tsâus ntâu tưz tuôx shuôk, saz lax thiaz thôngz ndâux luk têx cxênhx cxênhv đros tỉnh siz chos uô hâux lưv; haik mênhx saz lax sâu bê chos luk siz chos lês hâux lưv jias no zos uô trơưk cêr chai ntơưv Chính phủ lok sâuv tsik tsês tâu kror siz chos chox tiz nênhs muk uô hâux lưv hâur têx thax tsav Việt Nam - Hàn Quốc, đros ntơư tsênhv zos tsưr ziv zov chênhr chia paz tiz nênhs uô nuv thax tsav muôx hâux lưv uô, sâu nzir nhiax zôngv. 

Đồng chí Phó Chủ tịch UBPX tỉnh tưz kria pâuz nhiv no tỉnh Sơn La taz tov muôx yax 800.000 tus nênhs hâur shông uô hâux lưv, pâuz uô liax têz thiaz lês hâux lưv trâu oz chas têz. Ntơư zos kror muôx liv yax chia muôx tiz nênhs chox muk uô hâux lưv ntơưv Hàn Quốc. Ntu zuôr txos, tỉnh zuôr moz siaz fuô lês siz luôs jok têx tsưr ziv chia muôz ntơưr chos lok fuô lês hâur luz nênhx, hâur ntơư lok six moz siaz uô jông côngz xưv zaz zâuv, xair tiz nênhs muk uô hâux lưv trâu oz chas têz ndax ndênhk, mênhx pêv; kriz jias kria nzir tsưr ziv thiaz pâuz cxuô cêr chai trâu tiz nênhs uô nuv uô ntêx thâuv muk uô hâux lưv trâu oz chas têz. Tỉnh chos luk đros nov hâu thành phố Jeonju siz chos lês hâur ntu fuô lês hâux lưv; nhav nxiak chox tiz nênhs muk uô hâux lưv trâu oz chas têz zos nênhs, zos chai thiaz fiv huv tiz nênhs siaz nhiav. Đros ntơư xar cov thành phố uô jông paz por hưv tiz nênhs uô nuv vax huôv hâur ntu uô hâux lưv ntơưv Hàn Quốc.

Zơưs Kang Se Kwon, Giám đốc Trung tâm Kỹ thuật kôngz lông thành phố Jeonju tưz kruôk trâu tỉnh Sơn La lok six muôx ntâu tiz nênhs txơưx uô nuv, lar haik hâur por hưv kôngz lông. Đros ntơư kria pâuz, thax tsav xar cov muôx ntâu tiz nênhs tuôx uô hâux lưv trâu ntơưv no đuô thiaz, lar haik hâur têx chaix sâu kôngz txir nox. Viv li, đros tỉnh Sơn La siz chos uô hâux lưv zuôr paz cxaz nzir tâu ntâu tiz nênhs uô nuv truôx njês, paz tâu zênhx max hâux lưv huôv tsar kôngz lông. Nov hâu thành phố Jeonju zuôr đros tỉnh Sơn La siz chos taz, saiz car thiaz paz uz no trâu tiz nênhs uô hâux lưv; nhav nxiak muôx qơư uô hâux lưv nhaz xênhz, por hưv jông vax huôv thiaz cêr muôx liv, qơư nox nhoz fiv huv tiz nênhs uô nuv Việt Nam. Đros ntơư, saz Jeonju lok six xar tâu siz chos uô đuô zav hâux lưv trâu ntu zuôr txos, muôx ntâu tiz nênhs tuôx uô hâux lưv thiaz siz khov truôx njês ntêr shông hâur oz thax tsav.

Ntơưv jias cơưv, nênhs hlôngr njêx muôs oz tos tưz sâu bê chos luk siz chos chox tiz nênhs uô nuv Sơn La muk uô hâux lưv por hưv kôngz lông ntơưv thành phố Jeonju. Saz lax zos qơư chuôz zov chênhr chia oz thax tsav fuô lês têx cxênhx cxênhv siz khov mênhx pêv, cxơưz huôv tsar nhiax txiax- xã hội thiaz đros cxuô luz têz qơưk siz khov cêr lax luôv; paz tiz nênhs uô nuv muôx hâux lưv uô tsik tsês, bôngs cêr thôngx siaz, siz khov hâur tỉnh Sơn La thiaz thành phố Jeonju, Hàn Quốc trâu ntu zuôr txos.