Ntơưv jias uô hâux lưv, têx đại biểu tưz tâu mnôngs ntâu zav lok sâuv huôv tsar cêr lax luôv thiaz siz khov uô kôngz lông; hlôngr số, hlôngr yiaz phaz nzưr uô nox trơưk chai njuôz hur, tu têx hax huv muôs; cxiv tsa cêr chai ntu 2026-2030 fiv huv tỉnh.

Ntơưv jias saz lax, cxuô hợp tác xã tưz haik txos iz cxia cêr phiv liv thâuv muôs têx kôngz lông; cux khov cov têx ngành muôx vax huôv moz siz saiz car ntov têx nôngz kôngz, qir, yuôx cxuô zav uô kôngz, njuôk tsov, luôv têx ntơưr zôngv yuôx por hưv kôngz lông, têx tsưr ziv phax tar; cxiv tsa têx kôngz lông jông thiaz piar muôs têx kôngz. Têx hợp tác xã cux chia siaz zuôr tâu paz uô ntơưr kria mênhx qơư uô tơưv têx hax huv, ntơưr chứng nhav VietGap lok sik mã kria qơư chos chia muôs muk oz chas têz qơưk. Hok têx xã mak saz lax hâux lưv huôv tsar têx tsưr ziv siz khov uô nox; Sir zôngv khoa học kỹ thuật, chuôz zênhx số... 

Têx chuyên gia thiaz hlôngr njêx muôs cxuô sở, ngành tưz mnôngs cxix cxuô têx ndâux luk saz lax; cux haik mênhx iz cxia njiaz luk lok sâuv têx cêr chai tâu paz hâur ntu tu têx hax huv hur, siz khov thiaz uô ntâuz ntơưr thor mã số kria qơư chos, chứng nhav VietGAP, paz têx hợp tác xã, cxuô qơư cov pâuz nzir chai lês.

Ban lês hâux lưv tưz sâu tas nro têx ndâux luk saz lax ntơưv têx chuyên gia, nênhs saiz car thiaz têx tsưr kôngz. Ntơư, zos têx zav zuôr paz max hâux lưv cxênhz yuôx cov lês tâu jông đuô, haik mênhx têx zav tsik tâu lês tâu chia saz lax tuôr xav cêr chai fiv huv, lês jông têx hâux lưv têz qơưk, cxơưz kôngz lông huôv tsar truôx njês, paz pêx xênhv sâu nju nhiax txiax.