Hâur 3 hli hâu shông 2026, Ban Gruô hu Pênhr “Viv nênhs pluôs” tỉnh tưz tưx tso tơưv tsưr ziv saz lax, kriz jias fuô lês muôx kaz hâu côngz xưv gruô hu, saiz car thiaz sir zôngv nhiax pênhr. Cxênhx cxênhv, tsưr ziv gruô hu muôx ntâu hlôngr yiaz; kriz đar tiz nênhs, tso tơưv ntâu hâux lưv uô; cxơưz têx tổ chức thành viên, cơ quan, đơn vị, tsêr luôv, lực lượng vũ trang thiaz pêx xênhv hâur tỉnh thiaz oz chas tỉnh vax huôv, paz gruô hu tâu ntâu nhiax pênhr por hưv ziv pluôs luz nênhx tâu jông.

3 hli hâu shông 2026, Pênhr "Viv nênhs pluôs” tỉnh tưz gruô hu yax 26,3 tỷ nhiax; nhiax pênhr shông 2025 xa trâu yax 14,3 tỷ nhiax. Hâur ntơư, phaiz yax 33,3 tỷ nhiax paz trâu têx ziv pluôs, jê cêr pluôs, ziv nênhs muôx luz nênhx txov nhêv hâur thax tsav tỉnh ndax Tsiaz Têz qơưk Nênhk shông 2026; paz côngz xưv cxiv kho tsêr đos đis, xâu nas hâur thax tsav tỉnh; đuô li tsênhv yuôr yax 7,2 tỷ nhiax.

Jias cơưv tưz tso tơưv têx tsov xav: Quyết định tso tơưv Cêr chai gruô hu, saiz car thiaz sir zôngv pênhr; cxênhx cxênhv phaiz nhiax paz txix Pênhr "Viv nênhs pluôs" tỉnh; tsưr ziv gruô hu, sir zôngv Pênhr "Viv nênhs pluôs" thiaz hâux lưv por hưv pêx xênhv luz nênhx tâu jông cxuô cấp tỉnh Sơn La shông 2026; Quyết định cxiv tsa thiaz phaiz hâux lưv uô trâu thành viên Ban Gruô hu Pênhr “Viv nênhs pluôs" tỉnh.

Têx đại biểu txuv Jias cơưv tưz saz lax, tso tơưv tsưr ziv chia lês jông đuô côngz xưv gruô hu, paz ziv pluôs hâur ntu zuôr txos, moz siaz fuô lês têx cxênhx cxênhv: Cxênhz yuôx mênhx pêv têx ziv pluôs chia paz zênhx max; kriz jias muk cxênhz yuôx tsov xav chor nênhs tsuv tâu paz ziv pluôs txov nhêv lok sâuv tsêr nhoz, tsik pâuz uô nox, paz cxuz cêr yaiz pluôs truôx njês; hlôngr yiaz ban gruô hu nhiax pênhr cxuô cấp phênhv shuôv hâur saz lax, kria pâuz, cxênhz yuôx hâux lưv saiz car, sir zôngv pênhr; nhav nxiak ndax ndênhk, mênhx pêv zos chai; tsik so cxênhz yuôx côngz xưv paz trâu ziv pluôs.

Fuô luk hâur Jias cơưv, đồng chí Cuôv Xênhv Tsaz tưz kruôk trâu têx thành viên Ban Gruô hu Pênhr “Viv nênhs pluôs” tỉnh muôx ntâu sir jos, uô tiar phênhv shuôv hâur ntu đhâu. Đros ntơư, cxiz cov têx thành viên tror hlôngr yiaz vax huôv, phênhv shuôv, siz chos uô ntov nti, siz luôs jok hâur têx ngành, thax tsav lês jông côngz xưv paz ziv pluôs. Hlôngr yiaz tsưr ziv uô, tsik so sir zôngv công nghệ thông tin, kriz đar tiz nênhs gruô hu chia côngv tâu ntâu nhiax trâu pênhr. Tsik tsês tâu pêx xênhv sơưr đơưk côngv cxênhz yuôx, cxơưz mặt trận thiaz têx tổ chức thành viên vax huôv, hlôngr yiaz muôx kaz hâu hâux lưv, chox tâu kror njênhs njôngr, thôngz iz trôngk luk đêz đar hâur pêx xênhv.