Ntơưv jias uô hâux lưv, nov chox car oz luz tỉnh tưz siz kria têx hâux lưv huôv tsar nhiax txiax - xã hội, tsưx hưv cêr nhaz xênhz têz qơưk thiaz côngz xưv cxiv tsa Đảng ntơưv nhiak tỉnh; iz chas ntơư, cux cxênhz têx hâux lưv siz khov ntơưv oz luz tỉnh hâur ntu đhâu. Oz tos puôr lênhx haik mênhs cêr siz khov trơưk cênhz cưv zênhx muôx, thôngx siaz siz trâus jông Sơn La thiaz Bò Kẹo thâuv tưs cux nthuôr huôv tsik tsês hâur cêr huôv tsar siz khov, siz trâus jông cxuô tsar zav Việt Nam – Lok Tsuôk.

Hâur têx shông đhâu, oz luz tỉnh tưz lês jông cxuô zav hâux lưv saz lax ntơưv têx paz nov cấp siaz, siz khov lês hâux lưv choz kria, njuôk kho moz, txux chi, lax luôv, huôv tsar têx nênhs uô hâux lưv siz paz hâur cêr huôv tsar nhiax txiax - xã hội, cxơưz cêr thôngx siaz, siz khov ntơưv nov hâu thiaz tsôngv pêx xênhv oz tos.

Ntơưv jias uô hâux lưv, nov chox car oz luz tỉnh tưz cir ntơưr siz chos luk siz khov ntu 2026 - 2029 trơưk ntâu njiaz luk tsênhv chênhz hâur cxuô tsar zav: Chính trị - hâux lưv đros têz đrâuk siz khov; tsưx hưv truôx cêr nhaz xênhz têz qơưk; huôv tsar nhiax txiax - txux chi - xã hội; choz kria thiaz huôv tsar nênhs uô hâux lưv, chuôz jos tsênhv chênhz chia tror bôngs cêr thôngx siaz siz khov ntơưv Sơn La thiaz Bò Kẹo hâur ntu zuôr txos.

Ntơưv jias uô hâux lưv, đồng chí Hoàng Văn Nghiệm haik mênhx: Tỉnh Sơn La thâuv tưs cux chia siaz njôngr zênhv hnuz zuôr zênhv tror đros tỉnh Bò Kẹo siz khov truôx cxuô tsar zav. Cxiz cov oz tos siz chos cơưv shâuv tsưr ziv lês côngz xưv cxiv tsa Đảng, saiz car têz qơưk; siz khov huôv tsar kôngz lông, lax luôv, nuôv zax, choz kria, njuôk kho moz thiaz choz kria nênhs txơưx lês hâux lưv; fuô lês jông têx njiaz luk siz khov tưz saz lax thôngz, cxơưz nhiax txiax - xã hội ntơưv oz luz tỉnh huôv tsar.

Thiếu tướng Pẻn Khăn – Bút Chăn Pheng uô tsâus tỉnh Sơn La têx cêr paz hâur ntu đhâu; iz chas ntơư, haik mênhx zuôr tror đros tỉnh Sơn La siz chos fuô lês jông cxuô zav njiaz luk hâur ntu yiaz. Phix muk shuôk, uô hâux lưv thiaz cir ntơưr siz chos luk siz khov jias no zuôr cxơưz cêr thôngx siaz siz khov trơưk cênhz cưv zênhx muôx ntơưv oz tỉnh, bôngs nzir cêr thôngx siaz, siz khov cxuô tsar zav Việt Nam – Lok Tsuôk zênhv hnuz  zênhv huôv tsar truôx njês.

Ndax no, tỉnh Sơn La tưz zok nhiax paz shông 2026 trâu tỉnh Bò Kẹo trơưk njiaz luk têx ntơưr siz chos luk siz khov. Nov chox car oz luz tỉnh tưz siz krưr têx huv muôx txiax njis siz puz, zos cêr siz trâus jông, thôngx siaz oz luz tỉnh.

Uô kaz cias thâuv saz lax tas, Paz đại biểu cấp siaz tỉnh Sơn La tưz muk shuôk Trung tâm txux chi mê nhuôv zâuk tỉnh Bò Kẹo. Kror qơư no đar zuôr luôs 500 m2, tâu uô txix pênhr nhiax tỉnh Sơn La paz 5 tỷ đros têx nhiax tỉnh Bò Kẹo bax muôx. Ntơưv no, zos qơư choz kria cêr chai, txux chi trâu têx mê nhuôv hluôk, shâuv xênhz thiaz tsôngv pêx xênhv tỉnh Bò Kẹo, zos kror qơư cơưv shâuv txux chi đros trâu cêr nuôv zax qơư ndis uô si Nông Than. Tsik tas li, ntơưv no tsênhv zos qơư tsưx hưv, nthuôr huôv cênhz cưv, txux chi Lok Tsuôk trâu cxuô fâuv tov kaz. Zos por thơưx trâu cêr thôngx siaz siz khov oz luz tỉnh Sơn La thiaz Bò Kẹo haik khênhx, oz luz têz qơưk Việt Nam – Lok Tsuôk haik tas nro.

Hâur jias muk uô hâux lưv, hnuz 27/6, Paz đại biểu cấp siaz tỉnh Sơn La muk shuôk thiaz uô hâux lưv ntơưv tỉnh U Đôm Xay.