Paz nov tưz muk shuôk Bảo tàng Hoàng cung Luông Pha Bang, zos iz kror qơư txux chi, cênhz cưv thiaz đaz kruôk nto mông ntơưv Têz qơưk Lok Tsuôk. Kror qơư no, tâu uô txix shông 1904, thâuv ntêx zos kror qơư Huôz Taik Lok Tsuôk nhoz, nhiv no tsênhv tsưx hưv tâu ntâu zav chuôz zênhx jông lok sâuv cênhz cưv, txux chi ntơưv Têz qơưk Triệu Voi đhâu ntâu ntu. Lar haik mak, bảo tàng taz tov tsưx hưv tâu mnov Phật Vàng Pha Bang - Zos puôr fênhx muôx txiax njis, txux chi, đaz kruôk ntơưv tsôngv Pêx xênhv Lok Tsuôk.

Txuôk nzir, paz nov cux muk shuôk qơư uô hâux lưv Sở Ngoại vụ tỉnh Luông Pha Bang, kror qơư tâu uô txix nhiax tỉnh Sơn La paz 5 tỷ, đros pênhr nhiax tỉnh Luông Pha Bang cxơưv muôx. Luz tsêr no, muôx 2 yôngx, tas nro đar 820 m². Cê zos vax tsê uô hâux lưv, cê zos cêr thôngx siaz, siz khov siz trâus jông truôx khor ntơưv Sơn La thiaz Luông Pha Bang.

Paz đại biểu cấp siaz tỉnh Sơn La tưz cơưv tỉnh Luông Pha Bang têx tsưr ziv lês côngz xưv por  hưv, nthuôr huôv txux chi, huôv tsar nuôv zax. Hâux lưv siz khov, siz cơưv shâuv tsưr ziv hâur cêr huôv tsar txux chi, nuôv zax thiaz siz khov, tror siz chos bôngs truôx cêr thôngx siaz, siz trâus jông cxuô tsar zav Việt Nam – Lok Tsuôk; cxiv tsa cêr siz khov oz luz tỉnh Sơn La thiaz Luông Pha Bang cov zênhv hnuz zênhv truôx đuô.

Hâur jias uô hâux lưv, hnuz 27/6, Paz đại biểu cấp siaz tỉnh Sơn La tưz đros tỉnh Bò Kẹo uô hâux lưv, cir ntơưr siz chos luk, siz khov ntu 2026 -2029.