Taz thiaz đros paz nov uô hâux lưv muôx têx đồng chí: Nguyễn Đình Việt, Phó Bí thư Tỉnh ủy, Chủ tịch UBPX tỉnh; Nguyễn Thành Công, Phó Chủ tịch UBPX tỉnh; nov chox car iz cxia sở, ngành ntơưv tỉnh thiaz têx tsêr luôv cik txos.

Trơưk njuôk tsov điện VIII, tỉnh Sơn La tâu njuôk tsov huôv tsar yax 7.785 MW. Hâur ntơư, uô ntu txos 2030 tâu njuôk tsov huôv tsar nzir yax 6.273 MW, zos cxuô zav điện txix điện đêx zâu, điện chuô, điện đêx sav điện, điện sinh khối, điện yar ntux jiaz sâuv trur tsêr, điện yar ntux lox thiaz điện zôngv khâuz nhaz. Txix cias thâuv tâu njuôk tsov điện VIII tâu Thủ tướng Chính phủ cir, tỉnh Sơn La tưz zok hâux lưv mênhx trâu cxuô sở, ngành, đơn vị, Công ty Điện lực Sơn La thiaz têx qơư chaz điện Tây Bắc 2 gruô hu cxuô zav nhiax siz chos côngv huôv tsar điện trơưk njuôk tsov tưz tâu cir.

Têx điện đêx zâu, tưz muôx 14/17 dự án tâu tso chai cxưx nhiax uô; hâur ntơư, 1 dự án tưz tâu tso điện, 9 dự án taz tov uô, 4 dự án taz tov uô cov tiar têx ntâuz ntơưr, đuô li têx dự án tsênhv taz tov bax cxưx nhiax uô. Lok sâuv điện, tỉnh tâu njuôk tsov 3 kror qơư biến áp 500 kV, 4 txox xor 500 kV; 11 kror qơư thiaz 14 txox xor 220 kV. Iz cxia dự án tsênhv chênhz li: Qơư 500 kV Sơn La 1 thiaz xor chaz điện 500 kV; xor chaz điện 500 kV Sơn La 1 - Sơn Tây tưz tâu tso chai uô.

Hâux lưv njuôk tsov điện VIII ntơưv Sơn La njiz ntâu phiv liv tiv zos tox siaz, nxaz, txov nhêv trâu thâuv uô thiaz yêv qơư, tas nhiax ntâu. Tsik tas li xưz, têx xor điện nhiv no taz tov muôx điện lox thâuv têx qơư chaik thiaz xor 500 kV thêr 95%; qơư chaik thiaz xor 220 kV thêr 75 - 80%; têx xor 110 kV txaik nto 80%. Hâur ntơư, têx dự án chaz điện kênhz, thiax thêr tsik tas têx điện yiaz. Ntâu dự án điện yar ntux cux tsênhv kênhz, tuôr thênhv hâux lưv tuôr xav txos shông 2030.

Tỉnh Sơn La khov Bộ Công Thương thiaz Tập đoàn Điện lực Việt Nam muôz nhiax chaz điện cov nhaz xênhz, truôx njês hâur ntu zuôr txos. Têx tsêr luôv cux khov cxuô bộ, ngành cxuô qơư cov paz uô sai cxuô zav ntơưr tso chai cxưx nhiax, bax uô cxuô zav trâu têx dự án yiaz. Iz chas ntơư, cux khov cov paz uô têx qơư njuôk ntux yar ntux nas ntơưv tỉnh thiaz iz ndis cov njuôk tsov ntux yar ntux nas mênhx đuô.

Ntơưv jias uô hâux lưv, đồng chí Nguyễn Hoàng Long, Thứ Trưởng Bộ Công Thương, haik tiak tỉnh Sơn La muôx ntâu zav txơưv zênhx chia huôv tsar cxuô zav điện. Đồng chí cxiz tỉnh Sơn La trâu siaz fuô lês cxuô dự án trơưk njuôk tsov điện VIII tưz tâu cir; jav uô têx dự án zôngx ziv uô tâu lok zôngv uô ntêx; zênhx max yêv qơư uô điện; đros cxuô bộ, ngành siz chos đơưk têx cêr phiv liv lok sâuv cêr chai, uô sai cxuô dự án điện hâur thax tsav tỉnh. Thứ Trưởng cux haik mênhx hâux lưv huôv tsar điện zuôr tsuv tâu lês siz luôs jok đros têx hâux lưv cxưx nhiax uô cxuô tsar zav, tsênhr cov nhaz xênhz, jông siz luôs, cxơưz trâu hâux lưv zôngv điện truôx njês thiaz huôv tsar nhiax txiax - xã hội ntơưv tỉnh hâur ntu zuôr txos.

Hlôngr njêx muôs tỉnh Sơn La, đồng chí Nguyễn Đình Việt, Phó Bí thư Tỉnh ủy, Chủ tịch UBPX tỉnh, tưz uô tsâus Bộ Công Thương, Tập đoàn Điện lực Việt Nam paz fuô lês hâux lưv njuôk tsov điện VIII, txâuk huôv tsar điện nhiv no. Đồng chí haik mênhx, tỉnh Sơn La chos luk zuôr tror sir jos fuô lês cov jông cxuô dự án hâur hâux lưv njuôk tsov điện VIII. Tsik tas li, cux chia siaz ntu no muk, Bộ Công Thương, Tập đoàn Điện lực Việt Nam zuôr tror paz tỉnh fuô lês cxuô dự án điện tưz tâu njuôk tsov, cxơưz cêr huôv tsar thiaz tsưx hưv điện têz qơưk nhaz xênhz.