Jias no tưz nthuôr têx đaiv zênhx zav thav txos jias khiar điv tsêr tux cênhz cưv shông 1943 ntơưv 4 chiến sĩ cộng sản: Nguyễn Lương Bằng, Lưu Đức Hiểu, Nguyễn Văn Trân thiaz Trần Đăng Ninh, tâu kror chox car ntơưv Chi bộ Tsêr tux Sơn La thiaz kria cêr ntơưv Anh hùng liệt sỹ Lò Văn Giá. Ntơư zos jias khiar điv tsêr tux tsuôk muôx iz jâus xưz hâur zuôr luôs 40 shông cxiv tsa Tsêr tux Sơn La tâu Phaz Cir saiz car. Cxênhx xưv no tưz chox tâu têx cán bộ nov hâu zov chênhr ntơưv Đảng tror lok uô têz uô qơư, zênhx max cxaz nzir thơưx car bax trâu Jâus tir ntâuk tsav tros Hli Ziv shông 1945 yênhx côngz.

Jâus no tưz nthuôr yax 100 đaiv zênhx zav, ntâuz ntơưr muôx gri, tâu nthuôr trơưk pêz phênhv: Phaz Cir muôx njêx muôs ntơưv Sơn La; Chi bộ Tsêr tux Sơn La thiaz jias khiar điv tsêr tux shông 1943; Muk trơưk chor nênhs khiar điv hâur tsêr tux txox cêr. Đhâu têx ntâuz ntơưr cênhz cưv, jias nthuôr zênhx zav no paz pêx xênhv pâuz mênhx đuô txos jias truôx siaz tir ntâuk tros ntơưv têx nênhs uô têz uô qơư mas cơư hâur qơư tâu pir li "Kror qơư txov nhêv yax hâur ntiax têz". Đros ntơư, nhav nxias vax huôv chox car txơưx njê ntơưv Chi bộ Tsêr tux Sơn La, txơưx xav thiaz bax tsưr ziv, thôngx siaz ntơưv têx chiến sĩ uô têz uô qơư thiaz kror siz hluz, siz paz ntơưv pêx xênhv cxuô hair nênhs Sơn La hâur jias khiar điv tsêr tux nto mông lus.   

Jâus nthuôr zênhx zav chuyên đề “Jias khiar điv tsêr tux shông 1943” zuôr kriz chia trâu pêx xênhv sơưr đơưk thiaz kruô nuôv zax tuôx saiz tax tas luz 10 hli shông 2026. Ntơư zos hâux lưv muôx txiax njis lok six zov chênhr hâur jias saiz hloz 79 shông hnuz Thương binh - Liệt sĩ (27/7/1947 – 27/7/2026), paz choz kria cênhz cưv nhiav têz nhiav qơư, cxaz nzir cêr uô têz uô qơư, njênhs njôngr trâu têz qơưk thiaz uô tiar phênhv shuôv trâu fâuv hluôk; tror huôv tsar đêz đar Puôr fênhx têz qơưk lok six zov chênhr tsêr tux Sơn La kror muôx gri trâu fôngx zưs, kruô nuôv zax hâur têz qơưk thiaz oz chas têz côngv pâuz.