Hur si tỉnh Sơn La muôx 3 đơn vị bầu cử đại biểu Quốc hội, 14 đơn vị bầu cử đại biểu HĐPX tỉnh thiaz 1.580 tổ bầu cử. Tỉnh tưz cxiv tsa 76 Ủy ban bầu cử cấp tỉnh thiaz cấp xã; 468 Ban bầu cử đại biểu Quốc hội thiaz Ban bầu cử đại biểu HĐPX cấp tỉnh, cấp xã; 1.580 Tổ bầu cử. Đhâu têx jias cơưv saz lax, tỉnh tưz lo 15 nênhs ứng cử đại biểu Quốc hội; 94 nênhs ứng cử đại biểu HĐPX tỉnh thiaz 2.718 nênhs ứng cử đại biểu HĐPX cấp xã luz bê, hâur ntơư xav hur si tsuv xair 1.683 đại biểu, muôx 9 đại biểu Quốc hội, 55 đại biểu HĐPX tỉnh thiaz 1.619 đại biểu HĐPX cấp xã. Thôngz tỉnh muôx yax 915 cxênhz cử tri, fuô lês pêx xênhv vax huôv thiaz phênhv shuôv.

Hur si 1.580 thax tsav tso ntơưr ntơưv tỉnh Sơn La tưz iz cxix kriz jias bầu cử uô ntêx thâuv 7 six tas cik. Trơưk Ủy ban Bầu cử tỉnh Sơn La, xav txos 9 six hnuz 15/3, hur si tỉnh Sơn La tưz muôx 32,61% cử tri muk tso ntơưr xair đại biểu Quốc hội khóa 16 thiaz đại biểu HĐPX cxuô cấp ntu 2026 - 2031. Ntơưv ntâu thax tsav, cử tri tưz tuôx tso ntơưr txix thâuv tsênhv nzor, iz cxia kror qơư muôx chôngz cử tri muk tso ntơưr li têx xã: Tân Yên, Song Khủa, Mường Bang, Chiềng Sung, Lóng Phiêng, Pắc Ngà. Đros trâu têx cử tri lâuk, tsik muôx jos, muôx moz tuôx tsik tâu trâu thax tsav tso ntơưr, têx tổ bầu cử tưz bax đuô luz far ntiv ntơưr paz trâu cử tri fuô lês vax huôv bầu cử.

Hâur hnuz bầu cử hâur thax tsav tỉnh Sơn La tâu kriz shir phaz, vax huôv siz luôs, thôngx siaz thiaz uô tiar phênhv shuôv, lar tsiv nhos zos hur si pêx xênhv sơưr đơưk hnuz grâuv pax. Cử tri tưz kria pâuz, uô tiar phênhv thâuv muk tso ntơưr xair.