Jias lês hâux lưv ngjiz njêx muôs muôx têx đồng chí: Hoàng Văn Nghiệm, Ủy viên Ban Chấp hành Trung ương Đảng, Bí thư Tỉnh ủy, Thơưx Paz đại biểu Quốc hội tỉnh; Hoàng Văn Chất, kuz Bí thư Tỉnh ủy, kuz Chủ tịch HĐPX tỉnh; Nguyễn Đình Việt, Phó Bí thư Tỉnh ủy, Chủ tịch UBPX  tỉnh; têx đồng chí hâur Ban Thường vụ Tỉnh ủy, Thường trực HĐPX, UBPX, Ủy ban MTTQ Việt Nam tỉnh; nov chox car cxuô sở, ban, ngành ntơưv tỉnh. 

Ntu 1930-1945, Tsêr tux Sơn La zos iz luz tsêr tux lox zos Pháp Cir tsa trâu ntơưv Đông Dương, zos qơư cơư 14 paz nênhs tux chính trị 1.013 lưv lênhx chiến sĩ cách mạng. Hâur ntơư, muôx ntâu tus đồng chí tov kaz no yênhx nov chox car cấp siaz Đảng thiaz Têz qơưk, li: Đồng chí Lê Duẩn, Trường Chinh, Nguyễn Lương Bằng, Trần Đăng Ninh, Trần Huy Liệu, Lê Thanh Nghị, Mai Chí Thọ... Txơưv mas cơư hâur tsêr tux txov nhêv ntâu tsar zav, taz sik têx chiến sĩ cách mạng tưz truôx siaz, nzaz nzơưv tsêr tux zênhz nduôz yênhx "yar cơưv cách mạng", choz kria cán bộ trâu Đảng thiaz xưv cxênhx thax zênhz trâu tsôngv nênhs.

Hlôngr njêx muôs têx đồng chí nov chox car tỉnh thav luk ntơưv jias njiz njêx muôs, đồng chí Hà Trung Chiến, Ủy viên Ban Thường vụ Tỉnh ủy, Phó Chủ tịch Thường trực UBPX tỉnh, uô tsâus têx tux chính trị tsêr tux Sơn La têx cxênhz jê tưz jav six hơưv tror lok Sơn La côngv jias uô hâux lưv, ndax saiz hloz 79 shông hnuz Thương binh - Liệt sĩ.

Đồng chí haik mak, tỉnh Sơn La xav mênhx côngz xưv “Ndo txiax njis yar ntux” têx nênhs muôx côngz trâu cách mạng thiaz nthuôr huôv txiax njis cênhz cưv zos phênhv shuôv, zos cêr chai jông. Hâur ntâu shông đhâu, tỉnh tưz cxưx nhiax kho qơư cênhz cưv Têz qơưk Tsêr tux Sơn La; iz thênhv jux juk kho tiar têx qơư tsês cxuô tsar zav; njuôk tsov, nriar têx ntâuz ntơưr, choz kria cênhz cưv thiaz piar mênhx qơư cênhz cưv txos tsôngv pêx xênhv, lar haik yax mak fâuv hluôk.

Nhiv no, tỉnh taz tov đros Bộ Txux chi, Thể thao thiaz Nuôv zax saz lax trâu Thủ tướng Chính phủ tso chai kho kror qơư Cênhz cưv têz qơưk Tsêr tux Sơn La; tror njuôk tsov kho tas nro thax qơư cov nthuôr huôv tas txiax njis cênhz cưv jông siz luôs, yiaz taz sik tsưx hưv tâu cênhz cưv; cxiv tsa cov yênhx trung tâm choz kria cênhz cưv cách mạng nthuôr huôv thôngz sơưr đơưk, zos qơư txux chi - Cênhz cưv hax tsav Tây Bắc thiaz têz qơưk. Iz chas ntơư, tuôr xav mênhx cxiv tsa qơư ndis nuôv zax, hâur ntơư tror tsa đuô cêr uô nênhx, ntu tir tsortros thiaz jias khiar tux shông 1943 ntơưv Tsêr tux Sơn La. Đhâu ntơư, fuô cênhz cưv txos tsôngv pêx xênhv, cxiv tsa yênhx qơư huôv tsar nuôv zax truôx njês.

Hâur ntu zuôr txos, tỉnh Sơn La chia siaz zuôr tror tâu nênhs tux chính trị têx cxênhz jê đros njuôk tsov hồ sơ, zênhx zav, chuôz zênhz, hồi ký thiaz têx jax pêv thav txos têx chiến sĩ cách mạng thâuv ntêx mas cơư ntơưv Tsêr tux Sơn La; cxaz nzir cov cxix cxuô têx ntơưr cênhz cưv, chia cov têx jax pêv thav txos fâuv lâuk tâu tsưx hưv jông tsês trâu cxuô fâuv hluôs.