Jias no muôx đồng chí Cuôv Xênhv Tsaz, Phó Bí thư Tỉnh ủy, Chủ tịch Ủy ban MTTQ Việt Nam tỉnh; đồng chí Nguyễn Thành Công, Phó Chủ tịch UBPX tỉnh; nov chox car iz cxia sở, ban, ngành ntơưv tỉnh; têx đồng chí kuz nov chox car tỉnh, kuz cán bộ Đoàn đhâu ntâu ntu; đros 45 tus cán bộ đoàn, thiaz têx hluô lês hâux lưv jông.

Ntơưv jias uô hâux lưv, têx đại biểu, đoàn viên, hluô tưz siz chos yaz đuô cênhz cưv Đoàn TNCS Hồ Chí Minh. Hnuz 26/3/1931 tưz yênhx jias muôx txiax njis lok six tsênhv chênhz trâu tsôngv hluôk Việt Nam, uô por thơưx trâu tổ chức Đoàn TNCS Hồ Chí Minh. 95 shông đhâu tâu Đảng Cộng sản Việt Nam chox car thiaz cơưv shâuv trơưk Hồ Chí Minh kria, Đoàn TNCS Hồ Chí Minh tưz lês tâu ntâu luz luôs hâux lưv jông hâur tsôngv hluôkViệt Nam, zos têx nênhs uô ntêx nyuôk trâu cxuô luz luôs hâux lưv, lês phênhv shuôv cách mạng, zos têx nênhs bax lês hâux lưv hâur Đảng, tsik shênhx phiv liv, tưx zênhv uô ntêx nyuôk lês hâux lưv, nthuôr phaz nzưr, cxiv tsa  thiaz por hưv Têz qơưk.

Đros cxuô tổ chức đoàn hâur thôngz têz qơưk, tsôngv hluôk cxuô hair nênhs Sơn La tưz iz thênhv jux juk lês tâu hâux lưv trơưk phênhv shuôv tổ chức đoàn lok sâuv ntâu tsar zav. Côngz xưv Đoàn thiaz cêr siz tưr hluôk thiaz mê nhuôv zâuk tỉnh Sơn La hâur têx shông đhâu tưz zôngs trơưr phênhv shuôv chính trị thiaz fuô lês fiv huv cxuô qơư, hlôngr yiaz tsik so têx njiaz luz lês hâux lưv, saiz hloz choz kria cêr chai cách mạng, chux pưv tsiv txiax, txux chi trâu têx hluôk thhiaz mê nhuôv zâuk; nthuôr huôv phênhv shuôv hluôk uô ntêx nyuôk nthuôr phaz nzưr, huôv tsar nhiax txiax - xã hội ntơưv tỉnh, tưx zênhv lês hâux lưv viv sơưr đơưk, tưx zênhv muk por hưv Têz qơưk.  

Shông 2025, thôngz tỉnh tưz gruô hu tâu yax 2.000 tus hluôk tưx zênhv lês ntâu luôs hâux lưv, uô tâu yax 6.000 luz luôs hâux lưv muôx txiax njis li: “Tsêr cơưv ntơưr jông gâux trâu shâuv xênhz”, “Tsêr Khăn quàng đỏ”, “Tsêr yar ntux”, “Uô tênhz pov cêr jêx jok”, “Uô tênhz pov cêr đriv têz”,…; kho thiaz uô yiaz tâu yax 3.500 caik cêr yêz jêx jok, paz uô tâu yax 500 luz tsêr đros ntâu zav trâu pêx xênhv, xav tas nro cxuô zav nhiax sơưr đơưk siz chos côngv yax 15 tỷ nhiax. Tsôngv hluôk siz chos côngv tâu yax 1.800 faz tsưr ziv, 112 dự án piz uô nox tâu paz huôv tsar; yax 1.990 tus hluôk sơưr cêr muk por hưvv têz qơưk shông 2026… Tsôngv hluôk Sơn La zênhv hnuz zênhv truôx siaz muôx pênhr xưv, tsiv nhos Đảng, pêx xênhv njênhs, thâuv tưs cux shir phaz lus côngv đas jos lês tiar hâux lưv huôv tsar tỉnh hâur ntu yiaz.

Ndax no, Ban Chấp hành Tỉnh đoàn tưz kruôk 45 tus cán bộ Đoàn, đoàn viên lês hâux lưv jông tỉnh.