Jâus no, cơưv ntơưv tỉnh U Đôm Xay muôx đồng chí Bun Không Lả Chiêm Phon, Uỷ viên Trung ương Đảng, Bí thư Tỉnh uỷ, Chủ tịch HĐPX tỉnh U Đôm Xay, đros têx đồng chí thơưx car tỉnh, cxuô sở, ban ngành thiaz têx cưk kria, học viên Yar cơưv Chính trị- Hành chính tỉnh U Đôm Xay.

Tsêr cơưv ntơưr Yar cơưv Chính trị - Hành chính tỉnh U Đôm Xay tâu piz cxiv puôz txix hâu shông 2023 xav hur 5 tỷ nhiax zos tỉnh Sơn La paz. Muôx 2 yôngx, 5 qar tsêr. Hâur ntơư muôx 3 qar tsêr cơưv, 1 qar tsêr nhênhv ntơưr, 1 qar tsêr taz kruô. Ntơư cux zos 1 hâur têx yar cơưv chính trị - hành chính nhoz 6 tỉnh Kâuv têz Lok Tsuôk (đros Phông Sa Lỳ, Luông Pha Bang, Xay Nha Bu Ly, Luông Nặm Thà, Bò Kẹo) chia đros tỉnh Sơn La kria nzir tsưr ziv uô hâux lưv .

Fuô luk jâus no, đồng chí Hoàng Văn Nghiệm haik mênhx: Choz kria ntơưr, kria nzir cán bộ thiaz huôv tsar tiz nênhs txơưx njê puôr lênhx tâu tsov xav zos iz hâur têx hâux lưv lok six zov chênhr paz trâu thax tsav thiaz têz qơưk tsik tsês huôv tsar. Viv li, tỉnh Sơn La puôr lênhx xar đros tỉnh U Đôm Xay siz khov fuô lês hâux lưv no. Tsêr cơưv ntơưr Yar cơưv Chính trị - Hành chính tỉnh U Đôm Xay uô tiar thiaz muôz zok sir zôngv hnuz no zos chênhv chưr trâu kror siz khov ntơư. 

Uô tiar muôz zok sir zôngv tsêr cơưv ntơưr tsik zos paz yar cơưv bax txâuk qơư, hlôngr yiaz hâux lưv kria thiaz cơưv ntơưr xưz, mak tsênhv muôx txiax njis chính trị lok six zov chênhr, zos poz huv kria pâuz Đảng bộ, nov hâu thiaz pêx xênhv tỉnh Sơn La xar đros tỉnh U Đôm Xay kênh cêr txov nhêv hâur xưv cxênhx choz kria ntơưr, kria nzir têx cán bộ .

Têz đồng chí Bí thư Tỉnh uỷ Sơn La ndâux luk, đồng chí Bun Không Lả Chiêm Phon lok six uô tỉnh Sơn La haik tas nro thiaz têx đồng chí thơưx car tỉnh haik khênhx tưz moz siaz paz trâu tỉnh U Đôm Xay thiaz xar cov ntu zuôr txos, tror nhav tâu kror moz siaz paz ntơưv tỉnh Sơn La trâu cxuô hâux lưv chính trị, nhiax txiax, txux chi xã hội, choz kria ntơưr. Tsêr cơưv ntơưr Yar cơưv Chính trị - Hành chính mak tỉnh Sơn La paz zuôr cxơưz hlôngr yiaz choz kria ntơưr, kria nzir cán bộ hành chính, lý luận chính trị thiaz saiz car têz qơưk trâu tỉnh U Đôm Xay. 

Jias no, đồng chí Hoàng Văn Nghiệm tưz krưr huv ntơưv tỉnh Sơn La trâu cán bộ, cưk kria Yar cơưv Chính trị - Hành chính tỉnh U Đôm Xay. Yar cơưv cux tưz krưr huv saiz đaz muôs trâu Paz côngz xưv thênhv siaz tỉnh Sơn La.

Cias tov kaz ntơư, đồng chí Hoàng Văn Nghiệm thiaz Paz côngz xưv tưz muk shuôk trụ sở thiaz têx phòng muôx vax huôv, vax tsêr, chuôz zênhx ntơưv yar cơưv.