Shông 2026, xav pênhr cxưx nhiax uô têz qơưk hâux lưv hur si tỉnh tâu zok yax 7.866 tỷ nhiax, hâur ntơư muôx yax 1.978 tỷ nhiax pênhr shông 2025 xa trâu thiaz yax 5.887 tỷ nhiax shông 2026, muôz trâu 87 tsưr tso pênhr nhiax uô. Txos hnuz xiaz 3/8, hur si tỉnh tưz kênh yax 2.992 tỷ nhiax, tâu 38% xav hur si tsưr ziv pênhr thiaz 44,7% tsưr ziv pênhr phaiz mênhx pêv, tsar yax 374 tỷ nhiax njuôk li hnuz 30/6.

Têx tsưr muôz nhiax uô tưz moz siaz uô tiar ntâuz ntơưr, cxênhz yuôx, thêv thiaz tso nhiax uô. Iz cxia đơn vị txơưx thêv nhiax, li têx Ban Saiz car dự án cxưx nhiax cxiv puôz ntơưv tỉnh; Công an tỉnh; UBPX phường Tô Hiệu, phường Mộc Châu thiaz xã Mai Sơn. Taz sik, tsênhv muôx iz cxia tsưr tso pênhr nhiax uô thêv nhiax kênhz, tuôr thênhv txos têx hâux lưv uô tâu ntơưv tỉnh. Nhiv no muôx 13 tsưr tso pênhr nhiax uô thêv zuôr luôs 50% tsưr ziv nhiax.

Têx tsưr muôz nhiax uô tưz haik mênhx luz cênhz thêv nhiax kênhz, phênhv ntâu tiv njiz cêr khuôv đais hâur yaik qơư nhoz yiaz, xair tiz nênhs uô hâux lưv, xa nhiax pênhr muk lok thiaz gri chuôz zênhx cxiv puôz ndê siaz; đros ntơư chos luk cxiv tsa têx ntu thêv nhiax mênhx pêv txix luz 7 hli txos luz 9 hli thiaz kaz shông 2026. 

Fuô luk chox car, đồng chí Chủ tịch UBPX tỉnh cxiz cov cxuô sở, ngành, tsưr muôz nhiax uô zênhx max phaiz, thêv nhiax uô têz qơưk hâux lưv thiaz lês jông côngz xưv yaik qơư nhoz yiaz. Phaiz cán bộ saiz car yênhx dự án, uô tiar phênhv shuôv chia cxênhz đuô têx kror uô tâu hâur fuô lês hâux lưv; zênhx max lês tiar cêr chai cxưx nhiax uô, phaiz mênhx pêv hur si têx pênhr tsênhv yuôr; cxênhz yuôx, thor xa pênhr nhiax muk lok txix têx dự án thêv nhiax kênhz trâu têx dự án txơưx thêv nhiax thiaz xar tâu paz cxaz nzir nhiax.

Đồng chí cxiz cov moz siaz đơưk tâu sai cêr txov nhêv, zênhx max tu tiar têx dự án truz ntêr hnuz nhôngs tsik tâu tu; uô tiar têx dự án zov chênhr, li: Txox cêr yêz muk chênhr Hòa Bình - Mộc Châu, ntu muk đhâu tỉnh Sơn La; têx txox cêr muk lok hâur đrôngs lox Mộc Châu, Mai Sơn; hâux lưv cxưx nhiax cxiv puôz 13 yar cơưv phổ thông nội trú liên cấp tiểu học thiaz trung học cơ sở ntơưv têx xã đriv têz. Sir jos uô tiar tsưr ziv thêv nhiax muôz uô têz qơưk hâux lưv shông 2026, paz cxơưz sâu nju nhiax txiax thiaz huôv tsar vax tsêr, cêr muk lok ntơưv tỉnh./.