Txuv cơưv muôx đồng chí Đào Tài Tuệ, Ủy viên Ban Thường vụ Tỉnh ủy, Giám đốc Sở Cxiv puôz; thơưx car iz cxia sở, ban, ngành ntơưv tỉnh; tsưr cxiv tsa thiaz têx nênhs ntiar uô.

Trơưk fuô ntơưv tsưr cxiv tsa, xav txos nhiv no, cêr cxiv puôz ntơưv têx yar cơưv: Yên Sơn tâu 86%, Lóng Phiêng tâu 83%, Mường Hung tâu 80%, Chiềng Khoong tâu 73%, Mường Lèo tâu 70%, Sốp Cộp tâu 65%, Chiềng Sơn tâu 62%, Phiêng Pằn tâu 60%, Chiềng Khương tâu 56,8%, Phiêng Khoài tâu 56,5%, Xuân Nha tâu 56,1%, Mường Lạn tâu 53%, Lóng Sập tâu 50%. Têx nhiax muôz uô, thêv tâu jê 1.621 tiv đaiv/2.756 tiv đaiv.

Nhiv no, têx tsưr cxiv tsa taz tov siz côngv đros nênhs ntiar muôz chuôz zênhx thiaz UBPX têx xã đriv têz thôngz luk zuôr têx zav, têx hov chuôz zênhx;đros ntơư fuô lês têx zav zuôr trơưk chai xav, chok nxiak zuôr, đhok chuôz zênhx fiv huv cêr lês têx dự án, sir jos txos hnuz 30/6 muôz têx chuôz zênhx muk trâu têx yar cơưv chia uô sai.

Fuô luk jâus cơưv, đồng chí Hà Trung Chiến cxiz cov têx tsưr cxiv tsa, nênhs ntiar txiz nênhs uô sai, cov jông yar cơưv, uô nuv nhaz xênhz thiaz muôx faz lês fiv huv chaix ntux nas. Đros ntơư, muôz sai nhiax cxiv tsa thiaz fuô cêr lês yênhx tuần lok trâu Sở Choz kria ntơưr chia xav hur si tsês. Xav li zuôr chuôz zênhx yar cơưv, đồng chí cxiz cov têx đơn vị tsuv saiz hloz, muôz têx chuôz zênhx uô ntêx chia têx xã thiaz nênhs ntiar pâuz hov fiv huv trâu yênhx thênhv cơưv; nzor fuô kria Ban Chox car lok sâuv cêr sir zôngv gạch tsik hlơưr.

Zok trâu UBPX têx xã uô tiar ntâuz ntơưr txos đêx ar chia Sở Kôngz lông thiaz Môi trường muôz ntơưr chênhr nhav vax huôv sir zôngv ar trâu têx yar cơưv, sir jos muôz ntơưr chênhr nhav thâuv muôz công trình lok sir. Sở Choz ntơưr chox car cxiv tsa cêr xav kria nzir côngz xưv nội trú trâu cưk kria ntơưr; kria têx xã, yar cơưv xair tsov, đros đơn vị chos luk muôz têx zav nox, uô tiar hâur luz 7/2026. Đros ntơư, saz lax trâu HĐPX tỉnh tso tơưv nghị quyết tso chai chos luk đros cưk kria ntơưr chia cxaz nzir nênhs tsik tâu txâuk trâu têx yar cơưv.