Jias no muôx thơưx car cxuô sở, ngành cik txos; têx ban saiz car dự án cxưx nhiax cxiv puôz. Jâus cơưv âu tso yưv ti vi txos 54 xã, phường hâur thax tsav tỉnh.

Xav hur si têx nhiax pênhr cxưx nhiax uô têz qơưk hâux lưv tâu fuô lês hâur thax tsav tỉnh mak yax 7.784 tỷ nhiax. Hâur ntơư, tsưr ziv pênhr shông 2025 tâu truz lur hnuz nhôngs fuô lês thiaz xa trâu shông 2026 mak yax 1.978 tỷ nhiax; tsưr ziv pênhr shông 2026 mak yax 5.806 tỷ nhiax. Txos hnuz 21/7/2026, tưz kênh yax 2.883 tỷ nhiax, tâu 37% xav hur si tsưr ziv pênhr tâu zok thiaz tâu 48,06% tsưr ziv pênhr tưz phaiz mênhx pêv (tsar 265,262 tỷ nhiax njuôk li têx nhiax kênh txos hnuz 30/6/2026).

Đros trâu 10 dự án đơưk cêr phiv liv tiv ntux nas hiav shông 2026, txos hnuz 20/7/2026, Sở Tài chính tưz cxênhz tiar 10/10 dự án, tâu 100%. Hâur ntơư, tưz tso chai lês cxưx nhiax uô trâu 8/10 dự án; 2 dự án taz tov uô tiar cêr chai piar UBPX tỉnh tso chai cxưx nhiax uô zos cêr tuôr xav.

Têx đại biểu tưz moz siaz saz lax iz cxia cxênhx cxênhv lok sâuv: Têx txov nhêv, khuôv đais hâur côngz xưv kênh nhiax uô têz qơưk hâux lưv; hâux lưv yaik qơư nhoz yiaz; fuô lês têx dự án; côngz xưv hlôngr nhiax pênhr fuô lês têx dự án…

Fuô luk chox car jias cơưv, đồng chí Nguyễn Minh Tiến cxiz cov cxuô sở, ngành, thax tsav tưx tso tơưv tsưr ziv cxênhz đuô sir zôngv têz qơưk chuôz tav fiv huv tov kaz cxiv kho; tsik tsês cxênhz tiar dự án thiaz yaik qơư nhoz yiaz trâu têx dự án piz lês. Têx tsưr muôz nhiax uô cxiv tsa tsưr ziv lês mênhx pêv trâu yênhx dự án; tsov xav mênhx hnuz nhôngs uô tiar yênhx hâux lưv; kria pâuz hâux lưv uô tâu trơưk chaix, zênhx max thor UBPX tỉnh cxênhz yuôx, chox car đơưk cov tâu sai têx txov nhêv, khuôv đais muôx nzir. Tov kaz têx dự án uô tiar ntâuz ntơưr cxưx nhiax uô zos chai, zok trâu Sở Tài chính zênhx max saz lax trâu UBPX tỉnh phaiz mênhx pêv nhiax bax chia têx tsưr muôz nhiax uô muôx pênhr fuô lês thiaz kênh nhiax uô zos li tsưr ziv tso tơưv./.