Trơưk li Sở Tài chính haik kria, tuôr xav hur si nhiax têz qơưk muôz chia lês hâux lưv hâur saz khoa học công nghệ thiaz hlôngr pâur số shông 2026 ntơưv tỉnh Sơn La mal yax 437,2 tỷ đaiv; hâur ntơư muôz nhiax lês lês hâux lưv huôv tsar mal 82,7 tỷ đaiv thiaz muôz nhiax lês hâux lưv tsik tsês zos 354,5 tỷ đaiv. Têx nhiax no tâu muôz txix li cêr tuôr xav pênhr nhiax zok thâuv hâu shông, pênhr nhiax cxaz nzir chia lês Nghị quyết số 57-NQ/TW ntơưv Bộ Chính trị thiaz nhiax lês hâux lưv hâur shông 2025 chia hlôngr trâu shông 2026.

Txos nhiv no, hur si tỉnh tưz muôz yax 317,3 tỷ đaiv, tâu 72,5% cêr tuôr xav tâu zok. Taz sik tsênhv yuôr 119,8 tỷ đaiv tsik tâu phaiz, hâur ntơư muôx yax 80,4 tỷ đaiv cik txos Dự án hlôngr pâur số hâur têx cơ quan Đảng tỉnh Sơn La ntu 2025-2028; yax 39,3 tỷ đaiv nhiax chia lês hâux lưv tsik tsês txix li nhiax cxaz nzir trơưk Nghị quyết số 57-NQ/TW.

Haik txos côngz xưv muôz nhiax lês hâux lưv, txos hnuz 27/5/2026, têx nhiax lês hâux lưv tsik tsês tsênhv nhiv kruôr muôz tâu yax 9,38 tỷ đaiv, tâu zuôr luôs 2,96% cêr tuôr xav pênhr zok. Luz cênhz zos ntâu hâux lưv taz tov lês cov tiar ntâuz ntơưr, xair nênhs lês hâux lưv, chos luk lok sik tsik tâu cxênhz yuôx chia thêv nhiax trơưk cêr chai.

Hâur jias cơưv, hlôngr njêx muôs têx sở, ngành tưz kria pâuz hâux lưv lês nuv, kria pâuz têx cêr phiv liv, chor nhov hâur bax lês têx cxênhx cxênhv, dự án khoa học công nghệ thiaz hlôngr pâur số.

Muôx luk chox car jias cơưv, đồng chí Hà Trung Chiến cxiz cov têx sở, ngành, đơn vị tâu zok hâux lưv tror moz siaz cxênhz yuôx hur si têx dự án, hâux lưv; moz siaz đơưk têx cêr chor nhov lok sâuv ntâuz ntơưr, xair nênhs lês hâux lưv thiaz fuô lês hâux lưv cias tov kaz txâuk chai. Sở Tài chính moz siaz cxênhz, kho đuô cêr tuôr xav muôz nhiax lês nuv ntơưv têx cơ quan, đơn vị; nzor muôx ntâuz ntơưr cxiz têx cơ quan, đơn vị lês hâux lưv cxiv tsa cêr tuôr xav sir zôngv nhiax trơưk Nghị định 104/2026/NĐ-CP ntơưv Chính phủ. Đros ntơư, siz chos saz lax trâu UBPX tỉnh khov trâu têx bộ, ngành Trung ương nzor đơưk têx cêr phiv liv, chor nhov cik txos cêr chai muôz nhiax lês Nghị quyết số 57-NQ/TW.

Zok trâu Sở Khoa học thiaz Công nghệ zênhx max lês tiar ntâuz ntơưr chia têx dự án tâu fuô lês jông; moz siaz saz lax trâu UBPX tỉnh cxiv tsa Nghị quyết ntơưv HĐPX tỉnh lok sâuv cxơưz paz hlôngr yiaz tsưr ziv lês hâux lưv, sir zôngv khoa học công nghệ; tsi njênhk muôx txâuk nênhs chia lês hâux lưv huôv tsar khoa học công nghệ thiaz hlôngr pâur số, cxơưz paz lês jông hâux lưv huôv tsar nhiax txiax - xã hội thiaz cxiv tsa nov hâu số hâur thax tsav tỉnh.