5 hli hâu shông, nhiax txiax - xã hội ntơưv tỉnh tror huôv tsar truôx njês thiaz lês tâu ntâu zav hâux lưv txuôk kruôk. Huôv tsar nhiax txiax siaz, hâux lưv muôs hax huv, nuôv zax tror huôv tsar jông; côngz xưv muôz nhiax uô hâux lưv têz qơưk tâu moz siaz txos, huôv tsar đrôngs, hlôngr pâur số tưz tâu chox car fuô lês ntov nti.

Nhiax txiax tror huôv tsar jông, hâur ntơư, saz muôs hax huv tâu yax 43,91%; công nghiệp thiaz cxiv puôz tâu 33,41%; kôngz lông, har jôngr thia tu, zus tsiax đêx txênhz 17,54%. Hur si têx hax huv hâur thax tsav tỉnh (GRDP njuôk li shông 2020) 3 hli hâu shông tâu 14.569.687 triệu đaiv, tsar 9,76% njuôk li chaix no tsaiz no. Sâu nhiax hâur thax tsav 5 hli hâu shông xav tâu 2.210 tỷ đaiv, bâuv 46,46% tuôr xav Trung ương zok thiaz bâuv 43,76% tuôr xav HĐPX tỉnh zok. Côngz xưv gruô hu muôz nhiax lês hâux lưv tưz muôx 61 hồ sơ dự án, tso chai lês 13 dự án; kho đuô 8 dự án. Hur si pênhr nhiax lês têz qơưk luôs hâux lưv shông 2026 tâu zok yax 4.776 tỷ đaiv; txos đraz hli 5 tưz muôz tâu yax 1.338 tỷ đaiv chia lês hâux lưv. Saz txux chi, xã hội tâu moz siaz fuô lês thiaz tâu ntâu zav jông.

Hâur jias cơưv, têx đại biểu tưz moz siaz saz lax, đơưk têx cêr phiv liv viv tsik muôx txâuk hax huv muôs trâu têx tsêr mair uô hâux lưv, tus gri muôs hax huv cux muôx ntâu zav txơưr txar, ntux yar, ntux nas hiav thiaz hâux lưv txo tsơưs cêr pluôs tsênhv kênhz.

Muôx luk hâur jias cơưv, đồng chí Nguyễn Minh Tiến cxiz cov têx sở, ngành, thax tsav moz siaz cxênhz yuôx têx chỉ tiêu huôv tsar nhiax txiax - xã hội tâu zok; moz siaz cxiv tsa cêr tuôr xav fiv huv trâu têx chỉ tiêu tsênhv kik. Sir jos muôz nhiax lês hâux lưv têz qơưk shông 2026; paz têx tsêr luôv, hợp tác xã kriz đar qơư muôs hax huv, huôv tsar nuôv zax cxuô zav cov tâu jông.