Hâur thax tsav tỉnh nhiv no muôx 95 dự án sir zôngv pênhr nhiax tus khênhx thiaz pênhr nhiax Têz qơưk, nhoz hâur têx faz: Choz kria ntơưr, txux chi - xã hội, kôngz lông, khơưz têx zav nhoz đruôz ar, công thương, đêx ar, cxiv puôz, cêr muk lok, huôv tsar đrôngs, por hưv thax tsav đriv têz nhoz hâur têx dự án njiz ntâu cêr phiv liv. Txos nhiv no, 22 dự án tưz tâu đơưk cêr phiv liv, chor nhov, tror fuô lês trơưk đraiv cêr tuôr xav. Têx dự án đuô li tsênhv kênhz viv cik txos hâux lưv sâu ar tror kaz thiaz hâux lưv thêv nhiax, iz cxia dự án tưz tas six hơưv lês hâux lưv, zuôr tsuv saz lax chia tror nzir six hơưv lês hâux lưv.

Hâur jias uô hâux lưv, têx đại biểu tưz moz siaz saz lax, tso tơưv têx tsưr ziv đơưk cêr phiv liv, chor nhov hâur côngz xưv yaik pêx xênhv nhoz đuô qơư yiaz chia fuô lês têx dự án. Đros ntơư, moz siaz siz khov txix li têx sở, ngành thiaz têx jok chia zênhx max tu têx hâux lưv muôx yưv; saz lax kho đuô cêr tuôr xav fiv huv chia cov lês hâux lưv tâu trơưk đraiv cêr tuôr xav.

Câuk luk jias uô hâux lưv, đồng chí Chủ tịch UBPX tỉnh cxiz cov têx đồng chí Phó Chủ tịch UBPX tỉnh lês trơưk đraiv hâux lưv, moz siaz đros têx sở, ngành thiaz thax tsav lês hâux lưv chia đơưk cov tâu têx cêr chor nhov. Têx sở, ban, ngành moz siaz siz khov đơưk têx cêr phiv liv trâu têx tsưr cxưx nhiax, tsi njênhk hâux lưv fuô lês dự án trơưk đraiv cêr chai. Haik txos têx thax tsav thiaz tsưr cxưx nhiax, zuôr tsuv moz siaz cxênhz têx ntâuz ntơưr chia saz lax tsưr ziv hâur ntu uô nuv cov tâu jông. Lês hâux lưv zuôr tsuv trơưk đraiv vax huôv thiaz phênhv shuôv ntơưv pêx xênhv thiaz tsêr luôv; yax hlo zuôr tsuv tsik chia muôx yưv têx hâux lưv cuz nxor. Cêr tuôr xav zos “zôngx ziv lês uô ntêx, phiv liv lês uô kaz”, sir jos lês tiar ntâu dự án cias hâur shông 2026.