Trơưk cxênhz, hâur hur si tỉnh muôx 97 dự án sir zôngv nhiax têx tus khênhx thiaz nhiax têz qơưk njiz ntâu cêr phiv liv, chor nhov trâu saz: Txux chi, choz kria ntơưr, nuôv zax, njuôk kho moz, por hưv đriv têz, kôngz lông, đêx ar, cêr muk lok. Txos hnuz xiaz 6/5, hur si tỉnh tưz đơưk cêr phiv liv trâu 42/97 dự án; tror moz siaz đơưk cêr phiv lib trâu 55/97 dự án. Têx dự án kênhz viv zos cik txos têx ntâuz ntơưr hành chính, hâux lưv ntiar ar; cêr chai siz yôngx, hlôngr cêr tuôr xav; côngz xưv yaik pêx xênhv nhoz đuô qơư yiaz kênhz, pêx xênhv tsik tâu jông siaz trơưk li têx tsưr ziv thêv nhiax; iz cxia tsưr cxưx nhiax lês hâux lưv kênhz.

Hâur jias uô hâux lưv, têx đồng chí Phó Chủ tịch UBPX tỉnh saiz car têx sở, ngành moz siaz saz lax, tso tơưv têx tsưr ziv đơưk cêr phiv liv, chor nhov hâur ntu fuô lês têx dự án, li: Tror moz siaz phaiz têx dự án chia đơưk cov tâu sai, trơưk đraiv cêr chai têz qơưk; moz siaz chox car têx ngành, thax tsav thiaz tsưr cxưx nhiax lês hâux lưv; đơưk têx cêr phiv liv lok sâuv thêv nhiax yaik pêx xênhv nhoz đuô qơư yiaz; hlôngr vax huôv sir zôngv ar trơưk đraiv cêr chai đêx ar shông 2024...

Câuk luk jias uô hâux lưv, đồng chí Chủ tịch UBPX tỉnh cxiz cov têx đồng chí Phó Chủ tịch UBPX tỉnh, têx sở, ngành tror cxênhz têx dự án fuô lês kênhz. Zuôr tsuv tuôr xav mênhx luz cênhz, phênhv shuôv thiaz tsưr ziv đơưk cêr phiv liv trâu têx dự án. Moz siaz saz lax trâu UBPX tỉnh lok sâuv tsưr ziv đơưk têx cêr phiv liv; haik txos têx dự án muôx pênhr xưv tror fuô lês hâux lưv, zuôr tsuv sir jos lês cov tâu sai dự án; sir jos sâu nhiax tror kaz trâu têx dự án tuôr thênhv ntêr hnuz nhôngs, tsik muôx pênhr xưv lês nzir...