Hnuz 20/7/2026, UBPX tỉnh tso tơưv Quyết định số 1791/QĐ-UBPX lok sâuv Cêr tuôr xav fuô lês Đề án huôv tsar nhiax txiax thax tsav đriv têz tỉnh Sơn La ntu 2026- 2030 thiaz 2030-2035. Cias tov kaz tâu UBPX tỉnh zok hâux lưv, Sở Ngoại vụ tưz moz siaz chox car, fuô lês cxix cxuô têx njiaz luk, tsi njênhk muôx cxix cxuô zav chia tâu trơưk đraiv cêr tuôr xav ntơưv UBPX tỉnh.

Trơưk Đề án, tsưr ziv lês hâux lưv zos ntơưv 13 xã đriv têz thax tsav tỉnh Sơn La nhoz puôz têx tỉnh Hủa Phăn thiaz Luông Pha Băng (têz qơưk Lok Tsuôk), muôx: Mường Lèo, Sốp Cộp, Mường Lạn, Chiềng Khoong, Mường Hung, Chiềng Khương, Phiêng Pằn, Yên Sơn, Phiêng Khoài, Lóng Phiêng, Lóng Sập, Chiềng Sơn thiaz Xuân Nha. Têx hâux lưv tâu cxênhz zos tsưr ziv huôv tsar nhiax txiax - xã hội; hâux lưv muôs hax huv ntơưv đriv têz, nuôv zax, logistics, đros oz chas têz siz khov; cêr chai thiaz nhiax chia lês hâux lưv huôv tsar.

Txos nhiv no, têx hâux lưv cxiv tsa Đề án tưz tâu fuô lês trơưk đraiv cêr tuôr xav ntơưv UBPX tỉnh thiaz cêr tuôr xav tưz tâu chos luk trâu đơn vị lês nuv. Nhiv no, đơn vị lês hâux lưv taz tov moz siaz cxênhz yuôx thax tsav, sâu tsês têx ntâuz ntơưr chia lês cov tiar ntâuz ntơưr tsov xav jias tiv oz trơưk cêr tuôr xav.

Chia cov lês tiar Đề án uô ntêx hnuz 30/9/2026, Sở Ngoại vụ taz tov moz siaz lês cov tiar têx ntâuz ntơưr; cxênhz têx chỉ tiêu huôv tsar nhiax txiax - xã hội, cêr tuôr xav thiaz têx ntâuz ntơưr yiaz nhiv kruôr tâu tsa tơưv chia thôngx iz trôngs luk, cxix cxuô hâur ntu fuô lês Đề án. Đros ntơư, siz khov đros têx sở, ngành, thax tsav lês tiar têx njiaz luk cik txos cêr chai, cxênhx cxênhv, dự án zov chênhr thiaz tsưr ziv gruô hu nhiax lês hâux lưv. Siz khov đros têx tỉnh Hủa Phăn thiaz Luông Pha Băng (têz qơưk Lok Tsuôk) chia cxênhz thiaz thôngx iz trôngs luk têx njiaz lưv siz khov trơưk cêr chai.

Hâur jias uô hâux lưv, têx đại biểu cux cxiz cov đơn vị fuô kria tsuv kria mênhx têx hâux lưv tsênhv chênhz hâur Đề án njuôk li Cêr tuôr xav tỉnh Sơn La thiaz cêr tuôr xav huôv tsar thax tsav; kria pâuz têx zav jông ntơưv têx tỉnh Hủa Phăn thiaz Luông Pha Băng (têz qơưk Lok Tsuôk); đros ntơư cxênhz hur si Đề án trâu hâux lưv huôv tsar nhiax txiax, fênhx đraz sâu nhiax thiaz huôv tsar nhiax txiax - xã hội thax tsav đriv têz ntơưv têx tỉnh tov kaz Đề án tâu fuô lês.

Muôx luk chox car jias uô hâux lưv, đồng chí Đặng Ngọc Hậu, Phó Chủ tịch UBPX tỉnh cxiz cov Sở Ngoại vụ tror moz siaz siz khov đros têx sở, ban, ngành, thax tsav thiaz đơn vị fuô kria zênhx max lês tiar têx njiaz luk hâur Đề án. Hâur ntơư, moz siaz cxênhz yuôx thiaz đros tỉnh Hủa Phăn thiaz tỉnh Luông Pha Băng (têz qơưk Lok Tsuôk) uô hâux lưv; kriz têx jias cơưv, saz lax tsưr ziv lês hâux lưv. Đros ntơư, sâu tsês têx zav cxênhz tâu chia lês tiar ntâuz ntơưr tsov xav jias tiv oz ntơưv Đề án thiaz trơưk đraiv cêr tuôr xav tso tơưv.