Lês trơưk tsưr ziv cxiv, kho đuô jol, tiểu khu, tổ dân phố (hu uô thôn) thax tsav tỉnh Sơn La shông 2026, tas nro tỉnh tưz cxiv kho txix 2.233 luz jol yuôr 1.394 jol, txo lơưv 839 đơn vị jol, txo tsơưs 37%. Txix li têx hâux lưv cxênhz tâu, njuôk xav thiaz khov ntơưv UBNPX têx xã, Tổ paz hâux lưv tưz khov Hội đồng cxênhz yuôx lol sâuv hâux lưv phênhz jol, muôx: 1.287 luz jol hair nênhs tsơưs; 1.391 luz jol tox siaz; 1.394 jol hair nênhs tsơưs thiaz tox siaz; 792 jol lol six txov nhêv.

Têx thành viên Hội đồng cxênhz yuôx moz siaz njuôk xav, saz lax, muôz siz tiv têx cêr tuôr xav thiaz muôx ndâux lul trâu hâux lưv cxênhz tâu ntơưv yênhx thax tsav. Đros ntơư, khov cơ quan thường trực tror cxênhz nzir ntâuz ntơưr; njuôk xav iz cxia jol, tov kaz cxiv kho tsik tâu fiv huv txâuk trâu têx cêr njuôk xav trơưk chai cov txâuk njuôk xav zos nênhs, mênhx pêv thiaz thôngz iz trôngs lul uô ntêx thâuv zuôr saz lax trâu cấp muôx vax huôv njuôk xav.

Câuk lul jâus cơưv, đồng chí Đặng Ngọc Hậu cxiz Sở Dân tộc thiaz Tôn giáo chox car, đros têx sở, ngành, thax tsav sâu cxix cxuô têx ndâux lul ntơưv jâus cơưv, tror cxênhz, uô tiar ntâuz ntơưr, nhav nxias trơưk cêr chai têz qơưk thiaz fiv huv trâu thax tsav; zênhx max uô tiar ntâuz ntơưr, piar trâu cấp muôx vax huôv njuôk xav; saz lax trâu Chủ tịch UBPX tỉnh tso tơưv quyết định công nhav têx hâux lưv njuôk xav jol thax tsav pêx xênhv hair nênhs tsơưs thiaz tox siaz, jol lol six txov nhêv trơưk cêr chai; nzor uô tiar têx njiaz lul cik txos chia piar trâu Bộ Dân tộc thiaz Tôn giáo, nhav nxias trơưk hnuz nhôngs thiaz jông txâuk chai.