Ntơưv qơư tso ntơưr số 5, tổ pêx xênhv 5 muôx 885 tus cử tri tso ntơưr. Hâur hnuz tsênhv chênhz no, xã Sông Mã tâu xair zos iz kror qơư hâur 4 kror qơư tâu cơư đuôz tso cias sâuv STV tỉnh. Li ntơư, Côngz xưv bax cxuô tsar zav tâu cấp ủy, nov hâu uô jông lês puôs thâuv nzor thiaz cxix cxuô. Ntơưv kror qơư piz lês hâux lưv tso ntơưr muôx qix Têz qơưk, ntâuz fuô chai cxuô zav đai liaz vos; muôx điện pov cêr lus thôngz txox cêr txix cias ntơưv ndâux cêr muk txos ntơư qơư, jông siz luôs. Uô jông tsưx hưv truôx cêr nhaz xênhz, cêr nyiaz hur, jor phaiz cêr trâu yêz muk, kria cử tri pâuz mênhx hâux lưv tso ntơưr paz max jias cơư đuôz kriz cias trâu sđ saiz thôngz tỉnh.

Zơưs Nguyễn Tiến Hải, Bí thư Đảng ủy, Chủ tịch HĐPX xã, Chủ tịch Ủy ban bầu cử xã Sông Mã, haik mênhx: Cias thâuv tâu xair chia uô iz kror qơư cơư đuôz tso cias trâu sơưr saiz, Ban bầu cử xã tưz đros cxuô cơ quan chuyên môn ntơưv tỉnh cxênhz tas nro vax tsê, điện, xor tôngx cxuô zav chia paz max hâux lưv cơư đuôz. Cux fuô chai kria tsôngv pêx xênhv pâuz mênhx txiax njis jias bầu cử, gruô hu cử tri tuôx tso ntơưr cov cxix cxuô, huv six, trơưk đraiv cêr chai.

Xã Sông Mã zos đơn vị bầu cử 13 ntơưv tỉnh. Thôngz xã muôx16.830 lênhx cử tri, 7 đơn vị bầu cử thiaz 19 kror qơư tso ntơưr. Cử tri Sông Mã tâu xair 3 tus đại biểu Quốc hội, 5 tus đại biểu HĐPX tỉnh thiaz 25 tus đại biểu HĐPX xã. Côngz xưv bầu cử tâu uô jông bax ntov nti; bê têx cử tri, sâu mênhx têx nênhs ứng trâu sơưr đơưk saiz; bax vax tsê, thôngz tso ntơưr, qơư sâu ntơưr tso trơưk đraiv chai, paz zôngx ziv trâu cử tri tso ntơưr trơưk phênhv shuôv pêx xênhv.

Zos thơưx jias tâu bầu cử, Tòng Kim Chi, tổ pêx xênhv 5, zos tus cử tri hluôk yax ntơưv qơư tso ntơưr số 5, haik: Tâu gra đaiv ntơưr chox muk tso, xair têx nov tsiv nhos hlôngr njêx muôs trâu pêx xênhv, zos kror nưk lok six jông siaz thiaz cux zos phênhv shuôv ntơưv iz tus hluôk. Chia siaz têxđại biểu thâuv tâu xair zuôr paz ntâu đuô trâu têx hluôk cov tâu cơưv shâuv ntâu yax no.

Uô kaz cias thâuv tso ntơưr tas, đồng chí Cuôv Xênhv Tsaz tưz muk uô hâux lưv ntơưv têx xã Mường Lầm, Chiềng Sơ thiaz cxênhz côngz xưv bầu cử; đồng chí tưz kruôk cxuô zav hâux lưv uôk cxuô cấp ủy, nov hâu cxuô qơư bax, cxiz cxuô tổ bầu cử lês ntov hâux lưv trơưk yênhx ntu, bầu cử vax huôv siz luôs jok trơưk đraiv cêr chai.