Sơn La muôx đêx ar huôz chuô nziv chos cà phê Arabica hov jông. Hla đhâu ntâu shông cxiv tsa thiaz huôv tsar, cà phê Arabica tưz yênhx iz hâur têx huv zov chênhr, muôx gri siaz, paz zov chênhr huôv tsar nhiax txiax - xã hội, pêx xênhv hâur thax tsav tỉnh sâu nzir nhiax zôngv thiaz cxiv tsa luz nênhx hlôngr yiaz. Têx huv txix cà phê Arabica tưz iz phênhv tưs nhav nxiak qơư sơưr hâur cêr lax luôv ntơưv pêz têz qơưk thiaz oz chas têz.

Cxiax cxênhv “Cà phê Arabica hâuk kaz, tsư ha” zos hâux lưv muôx txiax njis lok six zov chênhr chia kruôk trâu cà phê Arabica Sơn La kror muôx gri; kria pâuz têx hâux lưv uô tâu hâur huôv tsar, tu jông thiaz tik bê lax luôv cà phê; đros ntơư tsênhv zos qơư chia trâu têx nênhs saiz car, tsưr xav tơưv cêr txơưx fiv, tsêr luôv, hợp tác xã, nênhs chos cà phê thiaz têx yar cơưv, tsov xav tâu siz njiz thiaz saz lax. Ntơư cux zos hâux lưv chox tâu kror choz kria, tsov xav cêr txơưx fiv đros trâu huôv tsar nhiax txiax thax tsav.  

Ntơưv cxiax cxênhv, oz đơn vị tưz siz chos nthuôr ntâu hâux lưv đrông ntưk, muôx txiax njis lok six zov chênhr: Nthuôr kria pâuz cxênhx cxênhv chos, por hưv, sâu txir, tu jông, jov hmôngr, đo đêx hâuk thiaz hâuk cà phê Arabica; livestream kria pâuz, muôs huv cà phê; saiz đuôz kria pâuz cà phê Arabica Sơn La; xav tơưv jax gâux “Cà phê Sơn La hâuk kaz, tsư ha”; gruô hu Jias tưr muôx phaz nzưr hax huv số lok sâuv cà phê Arabica Sơn La…

Fuô luk jâus no, đồng chí Chủ tịch UBPX tỉnh nhav nxiak: Cxiax cxênhv zos luôs hâux lưv muôx txiax njis lok six zov chênhr hâur siz chos choz kria thiaz cơưv shâuv. Cxiz cov Yar cơưv Đại học Tây Bắc tror cxơưz vax huôv zos qơư chia tsov xav thiaz cơưv shâuv; tsik tsês fuô lês têx hâux lưv tsov xav, kria pâuz sir zôngv chuôz zênhx jông, choz kria tiz nênhs txơưx njê paz max trâu hâux lưv huôv tsar ngành cà phê thiaz têx ngành huv kôngz txir nox zov chênhr ntơưv tỉnh. Đros ntơư, xar cov têx tsêr luôv, hợp tác xã thiaz pêx xênhv tror siz chos uô nox muôx kaz hâu; moz siaz huôv tsar kôngz lông hur, por hưv đêx ar huôz chuô nyiaz hur, tik bê lax luôv thiaz hlôngr yiaz cêr sik tưr uô luôv huv cà phê Sơn La.