Côngv trâu jâus no muôx têx đồng chí: Hoàng Văn Nghiệm, Ủy viên Ban Chấp hành Trung ương Đảng, Bí thư Tỉnh ủy, Thơưx Paz đại biểu Quốc hội tỉnh; Quàng Văn Hương, Phó Chủ tịch Hội đồng Dân tộc ntơưv Quốc hội; Nguyễn Mạnh Hùng, Ủy viên Ban Thường vụ Tỉnh ủy, Phó Chủ tịch Thường trực Ủy ban MTTQ Việt Nam tỉnh; Nguyễn Thành Công, Phó Chủ tịch UBPX tỉnh; Hoàng Thị Đôi, Ủy viên Hội đồng Dân tộc ntơưv Quốc hội, Lưv Thơưx Paz chuyên trách Paz đại biểu Quốc hội tỉnh; đros trâu chôngz cử tri nhoz thax tsav oz phường Tô Hiệu, Chiềng An.

Ntơưv jâus cơưv, Thường trực Ủy ban MTTQ Việt Nam tỉnh tưz kria trâu cử tri pâuz txos têx chinhv chưr, bê têx nênhs người ứng cử trơưk li Cêr chai qox Bầu cử đại biểu Quốc hội thiaz đại biểu HĐPX; đros ntơư kria yênhx lênhx nênhs ứng cử qơư nhoz, cơưv shâuv, cêr côngz xưv. Txix ntơư, têx đại biểu Quốc hội khóa 16, đơn vị bầu cử số 1 muôx 5 lênhx ứng cử li têx đồng chí: Hoàng Văn Nghiệm, Ủy viên Ban Chấp hành Trung ương Đảng, Bí thư Tỉnh uỷ, Thơưx Paz đại biểu Quốc hội tỉnh; Quàng Văn Hương, Phó Chủ tịch Hội đồng pêx xênhv ntơưv Quốc hội; Lò Văn Thọ, Nghệ sĩ ưu tú, Lưv Thơưx phòng Tsêr haik cưr cxiax sênhr chêr, Trung tâm Văn hoá - Thể thao zos Sở Văn hoá, Thể thao thiaz Nuôv zax saiz car; Thào A Tùng, viên chức, Ủy viên Ban Chấp hành Chi đoàn Trung tâm Văn hóa, Thể thao zos Sở Văn hoá, Thể thao thiaz Nuôv zax saiz car; Sa Thị Thanh Duyên, Thơưx phòng Saiz car, tsưx tsês, huôv tsar cêr luôv, Chi cục Huôv tsar jêx jol, Sở Kôngz lông thiaz Môi trường.

Têx ứng cử viên tưz haik txos luôs hâux lưv lês, haik mênhx têx cêr tuôr xav, têx nuv zuôr lês zos tâu cử tri xair tsov uô đại biểu Quốc hội khóa 16. Njiaz lul puôr lênhx haik txos têx tsưr ziv huôv tsar nhiax txiax - xã hội, muôz nhiax uô cêr yêz puôk tsar zav, tsưx truôx têx txux chi cxuô hair nênhs, huôv tsar nuôv zax truôx njês; muôx lul khov uô tiar têx cêr chai lol sâuv uô kôngz lông, tsuôv cuô thiaz huôv tsar cêr luôv uô kôngz lông, chos shôngz ntông, zus tsiax đêx; moz siaz cxênhz yuôx, por hưv têx cêr chai lix qox cxix cxuô, lês tâu jông, yax hlo mal cxuô cêr chai cik txos pêx xênhv hair nênhs; zênhx max kria pêx xênhv têx cêr chia siaz, cêr khov vav txos trâu têx cơ quan muôx vax huôv…

Têx njiaz lul hâux lưv lês ntơưv têx nênhs ứng cử puôr lênhx fiv huv trâu nhiak zav côngz xưv thiaz hâux lưv, fiv huv trâu têx njiaz lul, hâux lưv tso tơưv. Têx ứng viên đại biểu tưz chos lul zuôr mnôngs cử tri têx ndâux lul khov, cêr chia siaz, xa cử tri têx ndâux lul txos trâu Quốc hội thiaz Hội đồng pêx xênhv zos nhoz li tâu cử tri xair.

Kruôk têx nênhs ứng cử viên têx hâux lưv tưz piar, cử tri njênhs tiak têx ứng cử viên zuôr lês jông phênhv shuôv thiaz tsưr ziv, paz trâu cêr huôv tsar hâur têz qơưk, hâur thax tsav.

Hlôngr njêx muôs têx ứng cử đại biểu Quốc hội khóa 16 ntơưv đơn vị bầu cử số 1, đồng chí Hoàng Văn Nghiệm, Ủy viên Ban Chấp hành Trung ương Đảng, Bí thư Tỉnh ủy, Thơưx Paz đại biểu Quốc hội tỉnh tưz chok nxias, zos tâu cử tri njênhs xair uô đại biểu Quốc hội mal zuôr lês têx hâux lưv trơưk li tuôr xav thiaz tưz chos lul trâu cử tri đros trâu phênhv shuôv, sir jos lês ntov, ndâux haik tsuv lês cov tâu; lês têx hâux lưv muôx liv trâu pêx xênhv, trâu têz qơưk, trâu tỉnh uô ntêx hlo. Đros ntơư, tsik tsês môngs pêx xênhv ndâux lul, sâu tsês thiaz xa cxix cxuô txos trâu Quốc hội thiaz têx cơ quan muôx vax huôv chia paz trâu cử tri trơưk cêr chai.