Ntơưv jias uô hâux lưv, Ban Chỉ huy Tuz lênhv Đriv têz tỉnh tưz piar kria mênhx hâux lưv njuôk tsov kho trôngx lôngs đriv têz Chiềng Khương, tỉnh Sơn La; hâux lưv muôz nhiax uô cêr, vax tsê cxuô zav ntơưv trôngx lôngs Chiềng Khương, tỉnh Sơn La (ntu 1). Trơưk njuôk tsov hâux lưv uô trôngx lôngs Chiềng Khương tưz tâu UBPX tỉnh cir tso chai ntơưv Quyết định 715/QĐ-UBPX hnuz 25/3/2026. Hnuz 20/4/2026, Sở Tài chính tưz muôx Tờ trình cir cxaz nzir 1 tỷ 2 nhiax têz qơưk shông 2026 trâu Ban Chỉ huy Tuz lênhv Đriv têz tỉnh.

Ban Chỉ huy Tuz lênhv Đriv têz tỉnh tưz chox car cxuô cơ quan chuyên môn cxênhz cxuô zav ntơưv qơư, cxênhz têx ntâuz ntơưr trơưk đraiv cêr chai têz qơưk, njuôk tsov têx ntơưr iz zav jux juk; đros cxuô sở, ngành, Hải quan, xã Chiềng Khương thiaz têx đơn vị cik txos cxênhz yuôx, bax cxuô zav lês côngz xưv njuôk tsov cov mênhx trôngx lôngs lox Chiềng Khương.

Têx hâux lưv uô cêr vax tsê cxuô zav ntơưv trôngx lôngs lox Chiềng Khương (ntu I), hnuz 23/4/2026, Sở Tài chính tưz muôx ntơưr zok hâux lưv trâu cơ quan lês hâux lưv piar mênhx têx chai cxưx nhiax uô dự án xav mênhx zuôr piz uô đuô yiaz, zôngv pênhr nhiax tỉnh trơưk tuôr xav zôngv pênhr nhiax têz qơưk uô ntu đruôz đraz ntu 2026 - 2030, tas nro zuôr zôngv yax 88 tỷ 300 triệu nhiax; dự án zuôr piz lês txix shông 2026 txos shông 2028.

Ntơưv jias cơưv, cxuô sở, ban, ngành ntơưv tỉnh thiaz xã Chiềng Khương tưz piar kria mênhx têx hâux lưv lês trơưk vax huôv, tsi njênhk yêv qơư, njuôk tsov nhiax thiaz têx ntu txuôk nzir chia lês dự án.

Ntơưv jias uô hâux lưv, đồng chí Đặng Ngọc Hậu, Phó Chủ tịch UBPX tỉnh, cxiz Sở Tài chính đros Sở Ngoại vụ siz chos saz lax trâu cxuô bộ, ngành cik txos; paz Ban Chỉ huy Tuz lênhv Đriv têz tỉnh uô tiar têx ntơưr khov uô dự án, tsênhr cov uô tiar. Sở Cxiv puôz paz xã Chiềng Khương thiaz Ban Chỉ huy Tuz lênhv Đriv têz tỉnh njuôk tsov mênhx, cux li xav mênhx dự án cik txos têx cêr chai cxưx nhiax. UBPX xã Chiềng Khương zênhx max cxênhz têx ar cik txos pêx xênhv; bax nhiax yêv qơư, paz têx zis pêx xênhv nhoz thax tsav tâu yêv nhoz đuô qơư. Ban Chỉ huy Tuz lênhv Đriv têz tỉnh, thâuv tưs bax tâu nhiax, zênhx max đros Sở Ngoại vụ siz chos đros Ủy ban Đriv têz qơưk, Bộ Ngoại Giao uô hâux lưv, sir jos uô tiar têx ntâuz ntơưr uô trôngx lôngs trâu kaz shông 2026.