Trơưk Sở Kôngz lông thiaz Môi trường, cơ quan thường trực Ban Chox car piar mênhx, txix hnuz 24/6 txos hnuz 21/7, Ban Chox car tưz txiz nênhs muk cxênhz yuôx, cxiz hâux lưv fuô lês trơưk ntơưr tuôr xav số 2959/KH-BNNMT-BCA ntơưv 70/75 xã, phường thôngz tỉnh. Đhâu cxênhz yuôx cxuô paz nênhs tưz cxiz hâux lưv trơưk (KPI) yênhx hnuz trâu cán bộ, cxơưz phênhv shuôv lês hâux lưv cov siz luôs.

Hnuz 17/7/2026, Bộ Kôngz lông thiaz Môi trường fuô ntơưr số 7902/BNNMT-QLĐĐ saz lax trâu dự thảo Quyết định ntơưv Thủ tướng Chính phủ lok sâuv têx tsưr ziv tso điểm trâu cxuô qơư thâuv lês hâux lưv uô cơ sở dữ liệu têz qơưk lok sâuv đêx ar. Trơưk ntơư, hâux lưv cxênhz yuôx tâu lês trơưk yênhx luz hli, 3 luz hli iz jâus hâur yênhx shông, tsi njênhk oz tiêu chí: Hâux lưv hlôngr dữ liệu txix njâur 2 yôngv njâur 1 thiaz txix njâur 3 yôngv njâur 1 lok sik njâur 2.

Côngz xưv uô cxix cov hur thiaz têx ntâuz ntơưr jông siz luôs hâur cơ sở dữ liệu têz qơưk lok sâuv đêx ar (VNLIS), Sơn La nhiv no sơưr tiv 28/34 tỉnh, thành phố hâur thôngz têz qơưk. Thôngz tỉnh muôx 2.472.151 njux ar, hâur ntơư 1.221.605 njux tưz sâu trâu hâur VNLIS, muôx 647.055 njux tưz hlôngr njâur 1 (trơưk chai "Zos - Txâuk - Hur - Tsênhv zôngv") thiaz 574.550 njux ar njâur 2 (tưz muôx hâur cơ sở dữ liệu taz sik tsik tâu txâuk chai "Zos - Txâuk - Hur - Tsênhv zôngv"). Nhiv no yuôr 1.250.546 njux ar njâur 3, tsik tâu muôx.

Chia uô cơ sở dữ liệu đêx ar, Sở Kôngz lông thiaz Môi trường tưz kria nzir tsưr ziv sir zôngv phần mềm VBDLIS hâur oz hnuz 17 thiaz 18/7/2026 trâu cán bộ chuyên môn ntơưv 75 xã, phường; kria têx đơn vị kria sox car sir zôngv phaiz yênhx zav chia lês cias hâur phần mềm, lês sai, txâuk chai uô cơ sở dữ liệu têx njux ar hâur njâur 3. 

Taz sik, hâur ntu lês tsênhv njiz ntâu phiv liv. Têx njux ar tsik tâu uô dữ liệu yuôr ntâu, txênhz yax 50% tas nro têx njux ar thôngz tỉnh; hâux lưv uô cov dữ liệu jông siz luôs thôngz têz qơưk tsênhv phiv liv lok sâuv kỹ thuật; nênhs uô hâux lưv, nhiax txiax thiaz chuôz zênhx ntơưv cxuô qơư tsênhv tsik txâuk, tuôr thênhv hâux lưv.

Câuk luk, đồng chí Nguyễn Thành Công haik mênhx cxuô sở, ngành, cxuô qơư tưz sir jos fuô lês côngz xưv njuôk đêx ar, uô hồ sơ đêx ar thiaz uô cơ sở dữ liệu đêx ar ntu đhâu. Cxiz cxuô sở, ngành lês hâux lưv trơưk đraiv phênhv shuôv tâu zok, zênhx max bax siz chos fuô lês hâux lưv; tsênhr cov jông siz luôs jok, đơưk sai têx cêr phiv liv yưv hâur ntu lês.

UBPX cxuô xã, phường, zênhx max cxênhz tas nro cxuô zav piar trâu Sở Kôngz lông thiaz Môi trường, Sở Khoa học thiaz Công nghệ lok sâuv: Têx máy tính tưz tâu bax chia paz cov tâu công nghệ thông tin, viễn thông uô cơ sở dữ liệu đêx ar. Bax cov tiar piar mênhx uô ntêx hnuz 30/7 cov pov kaz cxênhz yuôx, cxaz nzir txâuk chai lês.

Xav txos hnuz 30/7 hlôngr cov tiar tas nro dữ liệu txix njâur 2 yênhx njâur 1. Sở Kôngz lông thiaz Môi trường chox car, đros têx đơn vị cik txos saz lax thôngz hâux lưv uô cơ sở dữ liệu đêx ar; cxiz cxuô đơn vị kria njuôk tsov mênhx hâux lưv uô dữ liệu thâuv uô tiar yênhx njux ar, tsik chia dữ liệu khôngz; njuôk tsov uô sai.

Đồng chí cux zok trâu ngành tài chính lês cov tiar hâux lưv cxênhz têx nhiax ntơưv cxuô xã uô ntêx hnuz 30/7; Sở Khoa học thiaz Công nghệ đros cxuô xã, phường thiaz têx tsêr luôv viễn thông zênhx max cxênhz têx thax tsav tsik muôx chuô xor tôngx, lok sik muôx taz sik tsik txâuk đas jos zôngv, chia đơưk zênhx max; cxiz nênhs lês hâux lưv paz công nghệ thông tin trâu thax tsav tsik txâuk nênhs uô hâux lưv. Cxuô đơn vị lês trơưk xav "dữ liệu txos tưs, đơưk tâu cêr txov nhêv txos ntơư", sir jos lês cov tiar hâux lưv trơưk tuôr xav.