Trơưk báo cáo ntơưv Sở Tài chính, hur si têx nhiax têz qơưk muôz lês hâux lưv hâur saz khoa học, công nghệ, hlôngr yiaz tsưr ziv thiaz hlôngr pâur số 2026 ntơưv tỉnh Sơn La nto 430,958 tỷ đaiv; hâu ntơư nhiax muôz chia lês hâux lưv huôv tsar mak 82,695 tỷ đaiv, nhiax lês hâux lưv tsik tsês 348,263 tỷ đaiv. Nhiax tâu zok thâuv hâu shông, nhiax cxaz nzir chia lês Nghị quyết số 57-NQ/TW thiaz pênhr nhiax hlôngr hâur shông 2025.
Txos hnuz xiaz 6/7, hur si tỉnh tưz muôz 311,093 tỷ đaiv, tâu 72,19% cêr tuôr xav tâu zok; yuôr 119,865 tỷ đaiv tsik tâu muôz, phênhv ntâu zos iz cxia dự án taz tov lês cov tiar, đros ntơưk tok ntâuz ntơưr fuô kria ntơưv têx bộ, ngành Trung ương trâu iz cxia njiaz luk lês hâux lưv trơưk Quyết định số 472/QĐ-TTg ntơưv Thủ tướng Chính phủ.
Haik txos muôz nhiax lês nuv, nhiax muôz lês hâux lưv tsik tsês tưz tâu zuôr luôs 36,065 tỷ đaiv, tâu 11,59% njuôk li cêr tuôr xav phaiz. Hâux lưv muôz nhiax lês nuv tsênhv kik njuôk li cêr tuôr xav, phênhv ntâu zos hâur saz muôz nhiax zuôr têx chuôz zênhx, fuô lês hâux lưv khoa học thiaz công nghệ, hlôngr yiaz tsưr ziv taz tov nhoz hâur ntu đấu thầu, lês tiar ntâuz ntơưr lok sik tsik tâu txos six hơưv muôz nhiax trơưk li ntâuz ntơưr chos luk.
Hâur jias cơưv, têx sở, ngành tưz kria têx tsưr ziv fuô lês nuv, kria mênhx têx cêr phiv liv, chor nhov hâur ntu muôz nhiax lês nuv. Hâu ntơư, iz cxia njiaz luk tsênhv tok ntâuz ntơưr fuô kria ntơưv Bộ Khoa học thiaz Công nghệ, Bộ Tài chính; ntâu dự án muôz nhiax lês hâux lưv hlôngr pâur số taz tov lês cov tiar ntâuz ntơưr, viv li tsik tâu txâuk chai chia muôz nhiax lês hâux lưv.
Haik txos iz cxia hâux lưv tsênhv chênhz, Sở Tài chính tưz kria têx hâux lưv siz khov đơưk têx cêr phiv liv trâu Báo thiaz Xor tôngx chuô, xa đuôz Sơn La hâur ntu fuô lês hâux lưv tso xor mông sâuv vệ tinh Vinasat-1; ntiar hạ tầng công nghệ thông tin chia lês hâux lưv hâur ntu 2026 - 2030. Đros ntơư, saz lax tsưr ziv lês tiar cxuô zav hâux lưv chính trị, tsik chia tuôr thênhv txos hâux lưv fuô mông.
Haik txos hâux lưv muôz nhiax ntiar chia lês công nghệ thông tin học bạ số ntơưv saz Choz kria ntơưr, Sở Tài chính tưz saz lax trâu UBPX tỉnh muôx ntâuz ntơưr khov cov têx bộ, ngành Trung ương fuô kria, tso chai tror sir zôngv têx pênhr nhiax tsênhv sir zôngv tsik tâu tas chia lês hâux lưv; nhiv no taz tov tok cơ quan muôx vax huôv têz.
Muôx luk jias cơưv, đồng chí Phó Chủ tịch Thường trực UBPX tỉnh cxiz cov têx sở, ngành, đơn vị tror cxaz nzir phênhv shuôv hâur côngz xưv saiz car, sir zôngv pênhr nhiax; cxênhz hur si têx hâux lưv khoa học, công nghệ, hlôngr yiaz tsưr ziv thiaz hlôngr pâur số tưz tâu zok chia lês sai hâux lưv muôz nhiax, tsi njênhk trơưk đraiv cêr chai thiaz sir zôngv tâu jông têx nhiax chia lês hâux lưv. Haik txos dự án muôz nhiax chia huôv tsar, zuôr tsuv lês sai côngz xưv bax cxix cxuô zav chia lês tiar ntâuz ntơưr cov txâuk chai muôz nhiax thiaz fuô lês hâux lưv.
Đồng chí zok trâu Sở Tài chính tror siz khov đros têx sở, ngành cik txos cxênhz yuôx, saz lax kho đuô, sâu tror kaz têx nhiax lês kênhz chia zok trâu têx đơn vị muôx pênhr xưv lês hâux lưv tâu jông đuô; cxiz têx ngành, thax tsav zênhx max muôz nhiax tưz tâu zok; moz siaz cxênhz yuôx thiaz kria trâu Chox car lok sâuv huôv tsar khoa học, công nghệ, hlôngr yiaz tsưr ziv thiaz hlôngr pâur số tỉnh.
.jpg)
Cox yuôr 500/500 tus bê ntơưr
Bạn vui lòng nhập từ 5 ký tự trở lên !!!