Ntơưv jias uô hâux lưv, thơưx car Sở Kôngz lông thiaz Môi trường piar mênhx hâux lưv fuô lês ntơưr tuôr xav 2959/KH-BNNMT-BCA ntơưv Bộ Kôngz lông thiaz Môi trường - Bộ Công an lok sâuv côngz xưv njuôk tsov, uô ntơưr đêx ar thiaz lês tiar cơ sở dữ liệu têz qơưk lok sâuv ar. Đros ntơư, tỉnh tsa Ban Chox car cấp tỉnh, fuô chai lês hâux lưv, zok hâux lưv trơưk phênhv shuôv trâu têx nênhs lês hâux lưv. Txos nhiv no, muôx 65/75 xã, phường tưz tsa Ban Chox car cấp xã chia fuô lês hâux lưv.

Côngz xưv njuôk tsov, uô ntơưr đêx ar thiaz cxiv tsa cơ sở dữ liệu ar tâu lês siz luôs thôngz tỉnh. Tas nro têx ar tưz njuôk, uô ntơưr mak ar uô kôngz lông, lâm trường txênhz yax 269.400 ha, lok zos yax 19% têx ar muôx thôngz tỉnh. Cơ sở dữ liệu ar tâu cxiv tsa ntơưv 51/75 xã, phường. Hâur têx cơ sở dữ liệu ar têz qơưk VNLIS, thôngz tỉnh muôx yax 1 triệu njux ar tâu sâu tsês hâur dữ liệu, hâur ntơư yax 523.500 njux ar txâuk chai “Zos - Txâuk - Hur - Tsênhv chiax”.

Ntơưv jias uô hâux lưv, têx đại biểu tưz saz lax têx cêr phiv liv hâur ntu lês, lar haik yax mak têx ar tsik tâu muôx dữ liệu tsênhv lok six ntâu, yax 1 triệu njux ar; tỷ tsôngv njuôk tsov, uô chiav ar tsênhv kik; tsik muôx nhiax txâuk uô têx dự án. Iz chas ntơư, cux khov cov uô sai ntơưr dữ liệu ar cov hur, cơ sở dữ liệu ar thiaz cơ sở dữ liệu têz qơưk lok sâuv pêx xênhv thôngz iz zav siz luôs jok.

Ban chox car cxiz cxuô sở, ngành, cxuô qơư tror tsi njênhk lês cxuô zav hâux lưv trơưk phênhv shuôv yênhx ntu; jav lês uô ntêx cov tiar hâux lưv cxênhz yuôx, cxaz nzir, dữ liệu tsênhz mênhx trơưk đraiv cơ sở dữ liệu taz sik tsil tâu txâuk “Zos - Txâuk - Hur - Tsênhv chiax”; trâu siaz fuô chai, gruô hu pêx xênhv kriz mênhx têx ar chia zôngx ziv trâu côngz xưv cxênhz yuôx cov zos, muôx cxix ntơưr. Iz chas ntơư, paz cxuô xã, phường uô jông lês côngz xưv kriz mênhx yênhx thax ar, njuôk tsov, uô ntơưr ar thiaz cxiv tsa cơ sở dữ liệu ar, sir jos lês cov tiar cxuô zav trơưk têx ntơưr tưz xav shông 2026./.